17 اپریل ، 2023 
پاکستان
کراچی: دوران افطاری دکانداروں کو لوٹنےکی ایک اور ویڈیو سامنے آگئی
17 اپریل ، 2023
کراچی کی صدر کوآپریٹو مارکیٹ میں دوران افطاری دکانداروں کو لوٹنےکی سی سی ٹی وی ویڈیو منظر عام پر آگئی۔
ویڈیو میں دیکھا جاسکتا ہےکہ تین مسلح ملزمان افطاری کے وقت کپڑے کی دکان میں داخل ہوئے۔
ڈاکوؤں کو دکانداروں سے موبائل فونز اور نقدی چھینتے دیکھا جاسکتا ہے، ویڈیو میں ملزمان کے چہرے واضح دیکھے جاسکتے ہیں۔
ملزمان لوٹ مار کے دوران کپڑے کے تھان بھی لےگئے، ملزمان نے دکان میں نقدی نہ ہونے پر دکاندار پر تشدد بھی کیا۔
ویڈیو میں چہرے واضح ہونے کے باوجود پولیس ملزمان کو پکڑنے میں تاحال ناکام ہے۔
