بستر پر لیٹتے ہی سونے میں مدد فراہم کرنے والا بہترین طریقہ

کیا رات کو بستر پر لیٹنے کے بعد نیند نہیں آتی اور بستر پر کروٹیں بدلتے رہتے ہیں؟ تو اس کا حل بہت آسان ہے۔

درحقیقت بے خواب راتوں سے بچنے کا حل آپ کے پیروں میں چھپا ہو سکتا ہے۔

ورزش کو معمول بنانےکے فوائد جانتے ہیں؟

ورزش کو معمول بنانے سے جسمانی فٹنس کے ساتھ ساتھ ذہنی صحت بھی بہتر ہوتی ہے۔

ویسے تو اکثر تناؤ اور مخصوص طبی مسائل بے خوابی یا بے چین نیند کا باعث ہوتے ہیں مگر ایک اور وجہ بھی آپ کو رات بھر بیدار رکھ سکتی ہے اور وہ ہے ٹھنڈے پیر۔

2018 کی ایک تحقیق میں دریافت کیا گیا کہ بستر پر جرابیں پہن کر سونے کے لیے لیٹنے سے نیند جلد آتی ہے اور نیند کا دورانیہ بھی زیادہ وقت تک برقرار رہتا ہے جبکہ نیند کے دوران اٹھنے کا امکان بھی کم ہوتا ہے۔

تو کیا آپ کو جرابیں پہن کر سونا چاہیے؟ اس کا جواب آپ نیچے اس عادت کے فوائد سے جان سکیں گے۔

پیشانی پر موجود جھریوں کو دور کرنے میں مددگار آسان طریقے

اچھی بات یہ ہے کہ ان جھریوں کو طرز زندگی کی چند عادات سے کم کرنا ممکن ہے۔

جرابیں پہننے سے کیا واقعی رات کو اچھی نیند آتی ہے؟

صبح سے رات تک ہمارے جسم کا درجہ حرارت جسمانی گھڑی کے مطابق بڑھتا گھٹتا رہتا ہے۔

ہمارا جسم صبح سب سے زیادہ گرم ہوتا ہے جبکہ سہ پہر 4 بجے سے رات 8 بجے کے دوران جب تھکاوٹ کا احساس طاری ہوتا ہے تو جسمانی درجہ حرارت کم ہونے لگتا ہے، جس سے جسم کو معلوم ہوتا ہے کہ سونے کا وقت ہوگیا ہے۔

جسم کا کم درجہ حرارت اچھی نیند کے حصول میں مدد فراہم کرتا ہے اور بے خوابی یا نیند کے ناقص معیار سے تحفظ فراہم کرتا ہے۔

وہ 6 پودے کونسے ہیں جنہیں گھر میں رکھنے سے مچھر نہیں آتے؟

دلچسپ بات یہ ہے کہ اگر آپ لیونڈر کے تیل کے قطرے ہاتھ پر لگائیں اور باہر جائیں تو وہاں بھی مچھر آپ کے پاس نہیں پھٹکیں گے۔

تاہم جب جسم کو احساس ہوتا ہے کہ پیر ٹھنڈے ہیں تو وہ اس کی روک تھام کے لیے جسمانی درجہ حرارت میں اضافہ کرنے کی کوشش کرتا ہے جس سے گرمی کا احساس بڑھتا ہے اور نیند کے حصول میں مشکل محسوس ہوتی ہے۔

اس کے مقابلے میں رات کو سوتے وقت جرابیں پہننے سے پیر گرم ہوتے ہیں جس سے خون کی شریانیں پھیل جاتی ہیں۔

اس عمل سے جسم کی حرارت جِلد کے ذریعے خارج ہوتی ہے جس سے مجموعی جسمانی درجہ حرارت کم ہو جاتا ہے اور لیٹنے کے کچھ دیر بعد آپ کے لیے گہری نیند کا حصول ممکن ہو جاتا ہے۔

اس عادت سے جلد سونے میں ہی مدد نہیں ملتی بلکہ چند دیگر فوائد بھی ہوتے ہیں، البتہ اگر پیر سوج گئے ہیں تو پھر جرابیں پہن کر سونے سے گریز کریں۔

دوپہر کےکھانےکے بعد غنودگی محسوس ہو توکیا کرنا چاہیے؟

ایسا صرف آپ کے ساتھ نہیں ہوتا بلکہ دنیا بھر میں کروڑوں افراد کو اس کا تجربہ ہوتا ہے۔

شریانوں کے مرض سے تحفظ

ریناڈ سینڈروم خون کی شریانوں کا ایسا مرض ہے جس کے دوران انگلیوں کے لیے خون کا بہاؤ محدود ہو جاتا ہے جس کے باعث انگلیاں سن اور ٹھنڈی محسوس ہونے لگتی ہیں۔

رات کو جرابیں پہن کر سونے سے پیر گرم رہتے ہیں جس سے اس بیماری کا امکان کم ہوتا ہے۔

ایڑیاں پھٹنے کے مسئلے کا حل

اگر آپ کی ایڑیاں پھٹ گئی ہیں تو رات کو سوتے وقت جرابیں پہننے سے اس کو ٹھیک کرنے میں مدد مل سکتی ہے۔

دوپہر کو چند منٹ سونے سے جسم پر مرتب ہونے والے حیرت انگیز اثرات

یہ عادت صحت کے لیے بھی بہت زیادہ فائدہ مند ہوتی ہے۔

اس مقصد کے لیے پہلے اپنے پیروں کو پانی میں بھگوئیں اور پھر خشک کرکے متاثرہ حصے کو رگڑیں اور لوشن یا کریم لگا کر جرابیں پہن لیں۔

کس قسم کی جرابیں زیادہ بہتر ہوتی ہیں؟

ایسی جرابوں کا انتخاب کریں جو کھلی اور آرام دہ ہوں، تنگ جرابوں سے خون کا بہاؤ متاثر ہو سکتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔