25 مئی ، 2023 
گوگل کروم میں نئی تبدیلی جو آپ کو ضرور پسند آئے گی
25 مئی ، 2023
اگر آپ ویب براؤزنگ کے لیے گوگل کروم کو استعمال کرتے ہیں تو اس میں کی جانے والی ایک دلچسپ تبدیلی ضرور پسند آئے گی۔
گوگل کی جانب سے اب کروم کی ڈیفالٹ وائٹ اور گرے کلر اسکیم کو تبدیل کرنے کا عمل بہت آسان بنا دیا گیا ہے۔
اس کے لیے ایک نیا سائیڈ پینل گوگل کروم کا حصہ بنایا جا رہا ہے جس سے کسٹمائزیشن فیچرز تک رسائی آسان ہو جائے گی۔
کمپنی کے مطابق صارفین کلرز، بیک گراؤنڈ اسکیم یا دیگر سیٹنگز کو تبدیل کرنے کے لیے اسکرین پر دائیں جانب نیچے کسٹمائز کروم آئیکون پر کلک کریں۔
ایسا کرنے پر ایک نیا سائیڈ مینیو سامنے آئے گا جس میں کلر آپشنز کے ساتھ ساتھ تھیم کو تبدیل کرنے یا اپنی پسند کی تصویر اپ لوڈ کرنے جیسے فیچرز موجود ہوں گے۔
اس سائیڈ بار میں 13 تھیم کلیکشینز موجود ہوں گی جس سے آپ کروم کے بیک گراؤنڈ کو اپنی پسند کے مطابق بدل سکیں گے۔
اس سے پہلے یہ کام کرنے کے لیے کروم کے ویب اسٹور پر جاکر تھیمز کا انتخاب کرنا پڑتا تھا۔
البتہ اگر سائیڈ پینل کا کوئی آپشن پسند نہ آئے تو پھر آپ ویب اسٹور کا رخ کر سکتے ہیں۔
گوگل کے مطابق صارفین کو ایک تھیم تک محدود رہنے کی ضرورت نہیں بلکہ وہ ریفریش ڈیلی کے آپشن کا انتخاب کر سکتے ہیں جس سے بیک گراؤنڈ روزانہ تبدیل ہو سکے گا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
