سائنسدانوں نے بڑھاپے کی جانب سفر روکنے کا ممکنہ آسان حل دریافت کرلیا

سائنسدانوں نے ممکنہ طور پر عمر کے اضافے سے جسم پر مرتب ہونے والے اثرات کی روک تھام کا آسان حل تلاش کرلیا ہے۔

امریکا کی مشی گن یونیورسٹی کی ایک تحقیق میں بتایا گیا کہ بھوک کا احساس عمر کے اضافے سے مرتب اثرات کی روک تھام کا آسان ترین طریقہ ثابت ہو سکتا ہے۔

اس تحقیق میں مکھیوں کی ایک قسم فروٹ فلائیز کا جائزہ لیا گیا تھا۔

ان مکھیوں کو تحقیق کا حصہ بنانے کی وجہ یہ تھی کہ ان کے جینز کے 75 فیصد حصے انسانوں سے ملتے جلتے ہیں جبکہ میٹابولزم اور دماغ بھی ممالیہ جانداروں سے مماثلت رکھتے ہیں۔

بلڈ شوگر کو کنٹرول کرنے کیلئے ورزش کرنے کا بہترین وقت کونسا ہے؟

بلڈ شوگر یا گلوکوز کو کنٹرول کرنا چاہتے ہیں تو دوپہر کو ورزش کرنا بہترین ہے۔

تحقیق کے دوران ان مکھیوں کو بھوک کا احساس دلایا گیا تو ان کی عمر میں اضافہ ہوگیا۔

تحقیق میں خیال ظاہر کیا گیا کہ کبھی ختم نہ ہونے والی بھوک کے احساس سے انٹرمٹنٹ فاسٹنگ کے عمر میں کمی لانے والے اثرات کو متحرک کرنے میں مدد مل سکتی ہے۔

واضح رہے کہ تحقیق کے دوران ان مکھیوں کو صرف بھوک کا احساس دلایا گیا، کھانے سے دور نہیں رکھا گیا تھا۔

روزانہ ملٹی وٹامنز لینا بڑی عمر کے افراد میں یادداشت کو بہتر بناسکتا ہے: تحقیق

دی امریکن جرنل آف کلینیکل نیوٹریشن میں شائع ہونے والی ایک نئی تحقیق سے پتہ چلا کہ روزانہ ملٹی وٹامن سپلیمنٹ لینے سے بڑھتی عمر کے افراد میں بھولنے کی بیماری کم ہوسکتی ہے

محققین نے بتایا کہ ہم نے دریافت کیا کہ مناسب غذا کی فراہمی کے باوجود یہ احساس کرنا کہ ہمیں کھانا نہیں مل رہا، عمر میں اضافے سے جسم پر مرتب ہونے والی منفی اثرات کی روک تھام کرتا ہے۔

خیال رہے کہ انٹرمٹنٹ فاسٹنگ طریقہ کار میں روزانہ ایک خاص دورانیے تک کھانے سے دوری اختیار کی جاتی ہے۔

حالیہ برسوں میں جسمانی وزن میں کمی لانے کے لیے اس طریقہ کار کو کافی مقبولیت حاصل ہوئی جبکہ تحقیقی رپورٹس سے معلوم ہوا کہ انٹرمٹنٹ فاسٹنگ سے ورم سے لڑنے میں مدد ملتی ہے جبکہ صحت مند زندگی کا حصول ممکن ہوجاتا ہے۔

بچوں کے ہاتھ میں اسمارٹ فون دینے سے ہونے والے بڑے نقصان کو جان لیں

یہ عادت بچوں کی ذہنی صحت کے لیے تباہ کن ثابت ہو سکتی ہے۔

تاہم انسانوں پر اس کے فوائد پر ابھی محدود تحقیقی کام ہوا ہے۔

اس نئی تحقیق میں برانچ چین امینو ایسڈ (بی سی اے اے) نامی غذائی جز کا استعمال کیا گیا جو مکھیوں میں پیٹ بھرنے کا احساس متحرک کرتا ہے۔

تو انہیں ایسی غذا استعمال کرائی گئی جس میں بی سی اے اے کی مقدار کم تھی جس سے خوراک کے استعمال کے باوجود بھوک برقرار رہی۔

بی سی اے اے پر مبنی غذا کے استعمال پر مکھیوں میں کاربوہائیڈریٹس کی بجائے پروٹین کو ترجیح دینے کا رجحان نظر آیا۔

آپ کی وہ عام غلطی جو بے خوابی کے مسئلے کا شکار کر دیتی ہے

سونے کی کوشش کرنے کے دوران بار بار گھڑی کو دیکھنا بے خوابی کا شکار بنا سکتا ہے۔

اس پر محققین نے مکھیوں میں براہ راست ایسے نیورونز کو متحرک کر دیا جو بھوک کے ردعمل کو متحرک کرتے ہیں اور دریافت کیا کہ ایسی بھوکی مکھیاں زیادہ وقت تک زندہ رہتی ہیں۔

محققین نے بتایا کہ بھوک سے زندگی کی مدت میں اضافے سے انکشاف ہوتا ہے کہ اس سے عمر میں اضافے کے اثرات کی روک تھام ہوتی ہے۔

تاہم ان کا کہنا تھا کہ تحقیق کا دائرہ مزید وسیع کرتے ہوئے یہ دیکھنے کی ضرورت ہے کہ انسانوں پر بھی ایسے ہی اثرات مرتب ہوتے ہیں یا نہیں۔

اس تحقیق کے نتائج جرنل سائنس میں شائع ہوئے۔