01 جون ، 2023 
وہ اسمارٹ فون جو 2023 میں اب تک سب سے زیادہ فروخت ہوا
01 جون ، 2023
دنیا بھر میں مہنگائی کی شرح میں کافی عرصے سے اضافہ ہو رہا ہے اور لوگوں کی قوت خرید متاثر ہوئی ہے، مگر ایپل کے آئی فونز اب بھی سب سے زیادہ فروخت ہو رہے ہیں۔
یہ بات 2 مختلف رپورٹس میں سامنے آئی۔
انٹرنیشنل ڈیٹا کارپوریشن (آئی ڈی سی) کی رپورٹ میں بتایا گیا کہ 2023 اسمارٹ فونز کی فروخت کے حوالے سے بدترین سال ثابت ہو سکتا ہے۔
رپورٹ میں پیشگوئی کی گئی کہ اسمارٹ فونز کی فروخت کے حوالے سے 2023 گزشتہ سال سے بھی بدتر ثابت ہو سکتا ہے۔
اس سال مجموعی طور پر ایک ارب 17 کروڑ فونز فروخت ہونے کا امکان ہے۔
رپورٹ کے مطابق 2024 میں حالات بہتر ہونے کا امکان ہے مگر دنیا بھر میں فونز کی فروخت کی شرح میں بحالی کا عمل توقعات سے زیادہ سست ثابت ہو رہا ہے۔
2023 کی اولین سہ ماہی کے دوران گزشتہ سال کے اسی عرصے کے مقابلے میں اسمارٹ فونز کی فروخت میں 11.9 فیصد کمی دیکھنے میں آئی۔
رواں سال کے دوران فولڈ ایبل اسمارٹ فونز کی فروخت میں اب تک اضافہ دیکھنے میں آیا ہے، اس کی وجہ متعدد کمپنیوں کی جانب سے ایسی ڈیوائسز متعارف کرانا ہے۔
دوسری جانب canalys کی ایک رپورٹ میں بتایا گیا کہ جنوری سے مارچ 2023 کے دوران دنیا میں سب سے زیادہ فروخت ہونے والے فونز میں آئی فونز کا غلبہ ہے۔
درحقیقت ایک سے 4 نمبر پر سب سے زیادہ فروخت ہونے والے اسمارٹ فونز ایپل کے تیار کردہ ہیں۔
اس عرصے میں آئی فون 14 پرو میکس دنیا میں سب سے زیادہ فروخت ہونے والا اسمارٹ فون ثابت ہوا۔
اس کے بعد آئی فون 14 پرو دوسرے، آئی فون 14 تیسرے جبکہ آئی فون 13 چوتھے نمبر پر موجود ہے۔
گلیکسی ایس 23 الٹرا 5 ویں اور آئی فون 14 پلس چھٹے نمبر پر سب سے زیادہ فروخت ہونے والا فون رہا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
بھارت نے واٹس ایپ پر 7 ارب روپے سے زائد کا جرمانہ عائد کردیا
19 نومبر ، 2024
واٹس ایپ گروپس کے لیے ایک بہترین فیچر متعارف
17 نومبر ، 2024
یوٹیوب شارٹس کے لیے ایک نیا اے آئی ٹول متعارف
17 نومبر ، 2024
