بلڈ شوگر کو کنٹرول میں رکھنے کیلئے ناشتے میں بہترین غذا کیا ہے؟

ناشتے کو دن کی اہم ترین غذا قرار دیا جاتا ہے اور اس میں معمولی تبدیلی لاکر بلڈ شوگر کی سطح کو کنٹرول کرنے میں نمایاں مدد مل سکتی ہے۔

یہ بات کینیڈا میں ہونے والی ایک طبی تحقیق میں سامنے آئی۔

برٹش کولمبیا یونیورسٹی کی اس تحقیق میں بتایا گیا کہ دن کی پہلی غذا کے ذریعے ذیابیطس ٹائپ 2 کے مریض اپنے بلڈ شوگر کو زیادہ بہتر کنٹرول کر سکتے ہیں۔

درحقیقت تحقیق میں تو بتایا کہ محض ایک غذا میں تبدیلی سے بلڈ شوگر کو کنٹرول میں رکھنا ممکن ہے۔

ذیابیطس کے مریضوں کے لیے آم کھانا نقصان دہ تو نہیں؟

ذیابیطس کے مریض فکرمند ہوتے ہیں کہ آموں کی مٹھاس بلڈ شوگر کی سطح کو بڑھانے کا باعث نہ بن جائے۔

محققین نے بتایا کہ ہم غذا کو مکمل بدلنے کی بات نہیں کر رہے۔

تحقیق میں بتایا گیا کہ دلیہ اور ڈبل روٹی جیسے مغربی انداز کے ناشتے کی بجائے انڈوں یا پروٹین سے بھرپور غذاؤں کا استعمال دن بھر بلڈ شوگر کو بہتر طریقے سے کنٹرول کرنے میں مدد فراہم کرتا ہے۔

آسان الفاظ میں ناشتے میں سفید ڈبل روٹی کا استعمال نہ کریں اور انڈوں یا پنیر جیسی اشیا کو زیادہ کھانا عادت بنائیں۔

محققین کے مطابق ذیابیطس کے مریضوں کا بلڈ شوگر لیول کھانے کے بعد اچانک بہت زیادہ بڑھ جاتا ہے، مگر دن کی پہلی غذا میں کم کاربوہائیڈریٹس پر مشتمل غذا کا استعمال دن بھر بلڈ شوگر کو کنٹرول میں رکھ سکتا ہے۔

آج کل بیشتر افراد کی وہ پسندیدہ غذا جو نیند متاثر کرتی ہے

جنک یا فاسٹ فوڈ کھانے کی عادت نیند کے معیار پر منفی اثرات مرتب کرتی ہے۔

بلڈ شوگر کی سطح کو کنٹرول رکھنا ذیابیطس ٹائپ 2 کی پیچیدگیوں کا خطرہ کم کرنے کے لیے ضروری ہوتا ہے۔

ذیابیطس سے امراض قلب سمیت دیگر متعدد بیماریوں کا خطرہ بڑھ جاتا ہے۔

اس تحقیق میں 121 افراد کو شامل کرکے 2 گروپس میں تقسیم کیا گیا تھا۔

ایک گروپ کو کاربوہائیڈریٹس کی کم جبکہ پروٹین کی زیادہ مقدار پر مبنی ناشتے کا انتخاب کرنے کا کہا گیا جبکہ دوسرے کو معمول کا ناشتہ کرنے کا کہا گیا۔

چائے پینا پسند کرتے ہیں؟ تو آپ کو اس کا یہ فائدہ ضرور جان لینا چاہیے

فلیونولز نامی اینٹی آکسائیڈنٹ مرکبات چائے، سیب اور بیریز سمیت لگ بھگ تمام پھلوں اور سبزیوں میں پائے جاتے ہیں۔

12 ہفتوں تک جاری رہنے والی تحقیق کے دوران ان تمام افراد کے بلڈ شوگر کی سطح کو ہر وقت جانچا گیا۔

نتائج سے معلوم ہوا کہ انڈے یا پروٹین سے بھرپور ناشتہ کرنے والے افراد کا بلڈ شوگر لیول دن بھر مستحکم رہتا تھا۔

اس تحقیق کے نتائج امریکن جرنل آف کلینیکل نیوٹریشن میں شائع ہوئے۔