وہ عام غذائیں جو قبض کا شکار بنا دیتی ہیں

قبض ایک بہت عام مسئلہ ہے جس کا سامنا روزانہ کروڑوں افراد کو ہوتا ہے۔

27 فیصد افراد کو قبض کے ساتھ مختلف علامات جیسے پیٹ پھولنے اور گیس کا سامنا بھی ہوتا ہے۔

بزرگوں میں یہ زیادہ عام ہوتا ہے مگر ہر عمر کے افراد اس سے متاثر ہوسکتے ہیں۔

زیادہ تر ہماری غذا اس حوالے سے اہم کردار ادا کرتی ہے۔

کچھ غذاؤں سے اس سے بچنے یا نجات میں مدد ملتی ہے جبکہ کچھ آپ کو اس بیماری کا شکار بناتی ہیں۔

قبض کو آپ سے دور رکھنے والی بہترین غذائیں

چند غذاؤں سے قبض سے ریلیف ممکن ہے یا اس کی روک تھام کی جاسکتی ہے۔

تو ایسی ہی عام غذاؤں کے بارے میں جانیں جو قبض کا شکار بناتی ہیں۔

دودھ یا اس سے بنی مصنوعات

دودھ یا اس سے بنی مصنوعات جیسے پنیر کا زیادہ استعمال کرنے سے قبض کا خطرہ بڑھتا ہے۔

تو معتدل مقدار میں ان کے استعمال کو ترجیح دیں اور دہی کا استعمال ضرور کریں کیونکہ اس میں موجود بیکٹریا نظام ہاضمہ کے لیے مفید ہوتے ہیں اور قبض سے ریلیف ملتا ہے۔

کیا واقعی زیادہ میٹھا کھانے سے لوگ ذیابیطس کے شکار ہو جاتے ہیں؟

ذیابیطس ایسا دائمی اور سنگین مرض ہے جس کا سامنا ہر 10 میں سے ایک فرد کو ہوتا ہے۔

فاسٹ فوڈ

اگر آپ اکثر فاسٹ فوڈ کھانے کے عادی ہیں تو قبض کے شکار ہونے پر حیران نہیں ہونا چاہیے۔

اس طرح کی غذا میں فائبر نامی غذائی جز کی مقدار بہت کم ہوتی ہے جو ہاضمے کے لیے بہت اہم جز ہے۔

فائبر سے نظام ہاضمہ بہتر ہوتا ہے جس سے قبض کا خطرہ کم ہوتا ہے۔

جگر کے عام ترین مرض کی وہ علامات جو اکثر افراد نظرانداز کر دیتے ہیں

اس بیماری کے دوران جگر بہت زیادہ مقدار میں چربی ذخیرہ کرنے لگتا ہے اور اس کا علاج نہ ہو تو اس کے افعال تھم جاتے ہیں۔

تلی ہوئی غذائیں

تلی ہوئی غذاؤں میں چکنائی کی مقدار بہت زیادہ ہوتی ہے اور انہیں ہضم کرنا بہت مشکل ہوتا ہے۔

جب غذائیں آنتوں سے بہت سست روی سے گزرتی ہیں تو پانی کی زیادہ مقدار اکٹھی ہو جاتی ہے جس سے قبض کا سامنا ہوتا ہے۔

سرخ گوشت

سرخ گوشت کا بہت زیادہ استعمال پیٹ پھولنے اور قبض جیسے مسائل کا خطرہ بڑھاتا ہے۔

روزانہ کتنے کپ چائے پینا محفوظ ہوتا ہے؟

اس گرم مشروب کو پیسنے سے صحت کو متعدد فوائد ہوتے ہیں مگر زیادہ پینے سے نقصان بھی ہو سکتا ہے۔

گوشت میں فائبر کی مقدار کم جبکہ چکنائی کی زیادہ ہوتی ہے جس سے قبض کا خطرہ بڑھتا ہے۔

سفید ڈبل روٹی یا چاول

سفید ڈبل روٹی، چاول اور پاستا میں فائبر کی مقدار کم ہوتی ہے اور ان کو زیادہ کھانے سے قبض کا خطرہ بڑھتا ہے۔

اگر اکثر قبض کے شکار رہتے ہیں تو سفید ڈبل روٹی یا چاول کا استعمال محدود کر دیں۔

آخر کچھ افراد ہر وقت تھکے ہوئے کیوں رہتے ہیں؟

اس طرح کی تھکاوٹ یا سستی کا سامنا دنیا بھر میں کروڑوں افراد کو ہوتا ہے۔

زیادہ میٹھا کھانے کا شوق

زیادہ چینی پر مشتمل غذاؤں میں فائبر کی مقدار کم ہوتی ہے جبکہ چکنائی زیادہ ہوتی ہے، جس سے قبض سے متاثر ہونے کا خطرہ بڑھتا ہے۔

کیلے

کیلے قبض کا شکار بنا بھی سکتے ہیں یا اس سے نجات دلا بھی سکتے ہیں، اس کا انحصار اس بات پر ہوتا ہے کہ یہ پھل پکا ہوا ہے یا نہیں۔

لوگوں کو ڈپریشن جیسے مرض کا سامنا کیوں ہوتا ہے؟

ڈپریشن ایک پیچیدہ مرض ہے اور اس کی واضح وجوہات کا علم کسی کو نہیں۔

پکے ہوئے کیلوں میں فائبر کی مقدار کافی زیادہ ہوتی ہے جس سے قبض سے نجات پانے میں مدد ملتی ہے۔

مگر سبز یا کچے کیلے کھانے سے قبض سے متاثر ہونے کا خطرہ بڑھتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔