08 اگست ، 2023
روزانہ گاڑی یا موٹر سائیکل میں سفر کرتے ہوئے ہوسکتا ہے کہ آپ نے سڑک کی سطح پر موجود لکیروں کو نوٹس کیا ہو۔
دنیا کے ہر ملک میں مختلف رنگوں کی لکیریں یا لائنیں سڑکوں پر ہوتی ہیں، جن کا پیٹرن بھی مختلف ہوسکتا ہے۔
عموماً سفید یا پیلے رنگ کی لکیریں سڑک پر نظر آتی ہیں۔
یہ لکیریں صرف دیکھنے یا سڑک کو خوبصورت بنانے کے لیے نہیں ہوتیں بلکہ ان کا واضح مقصد ہوتا ہے اورگاڑی چلاتے ہوئے حادثات سے بچنے کے لیے ان پر توجہ دینا بہت ضروری ہوتا ہے۔
اگر سڑک کے درمیان ایک سفید لکیر کھچی ہوئی ہے اور درمیان سے کٹی ہوئی نہیں، تو اس کا مطلب ہے کہ آپ کو اپنی لین میں سفر کرنا ہے اور دیگر گاڑیوں کو اوور ٹیک نہیں کرنا۔
آپ لین کو اسی وقت بدل سکتے ہیں جب لکیریں درمیان سے کٹی ہوئی نظر آئیں یا گیپ نظر آئے۔
اس طرح کی لکیریں سڑک کے درمیان میں ہوتی ہیں، جن کا مطلب ہوتا ہے کہ آپ اپنے آگے موجود گاڑی کو اوور ٹیک یا لین چینج کرسکتے ہیں۔
سڑک کے کنارے پر سیدھی پیلی لکیر موجود ہو تو اس کا مطلب ہوتا ہے کہ آپ وہاں گاڑی کو پارک نہیں کر سکتے، اگر وہ سڑک کے درمیان میں ہو تو اسے مکمل سفید لکیر جیسا ہی تصور کریں، یعنی گاڑی اوور ٹیک کرنے یا لین بدلنے کی اجازت نہیں ہوتی۔
ان لکیروں کا مطلب یہ ہے کہ آپ کو بس اپنی لین میں سفر کرنا ہے اور دوسری جانب جانے کی اجازت نہیں۔
اگر ایک پیلی لکیر سیدھی جارہی ہو اور دوسری کٹی ہوئی ہو، تو اس کا مطلب یہ ہے کہ کٹی ہوئی لکیر کی جانب گاڑی چلانے والے اوور ٹیک کر سکتے ہیں، جبکہ مکمل لکیر کی جانب موجود ڈرائیورز کو اس کی اجازت نہیں ہوتی۔