روزانہ کچھ مقدار میں گریاں کھانا ڈپریشن جیسے مرض سے بچانے کیلئے مفید

روزانہ کچھ مقدار میں گریاں کھانے سے ڈپریشن جیسے مرض سے بچنے میں مدد مل سکتی ہے۔

یہ بات اسپین میں ہونے والی ایک طبی تحقیق میں سامنے آئی۔

Castilla-La Mancha یونیورسٹی کی اس تحقیق میں برطانیہ سے تعلق رکھنے والے 37 سے 73 سال کی عمر کے 13 ہزار افراد کے طبی ڈیٹا کی جانچ پڑتال کی گئی تھی۔

تحقیق کے آغاز پر ان افراد میں ڈپریشن کی تشخیص نہیں ہوئی تھی اور ان کی جسمانی اور ذہنی صحت کا جائزہ 13 سال تک لیا گیا۔

جسم پر ظاہر ہونے والی وہ علامات جو ڈپریشن کا نتیجہ ہوتی ہیں

بہت کم افراد کو علم ہوتا ہے کہ ڈپریشن کے شکار مریضوں کو جسمانی علامات کا سامنا بھی ہوتا ہے۔

اس عرصے کے دوران ان افراد سے گریوں کے استعمال کے حوالے سے سوالنامے بھروائے گئے جبکہ ڈپریشن کی تشخیص یا سکون آور ادویات کے استعمال پر بھی نظر رکھی گئی۔

اس عرصے میں 11 سو سے زائد افراد میں ڈپریشن کی تشخیص ہوئی۔

تحقیق میں دریافت کیا گیا کہ روزانہ 30 گرام گریاں (بادام، اخروٹ، پستے یا کاجو وغیرہ) کھانے والے افراد میں ڈپریشن سے متاثر ہونے کا خطرہ گریوں سے دور رہنے والوں سے 17 فیصد کم ہوتا ہے۔

انزائٹی اور ڈپریشن جیسے عام امراض سے بچنے کا آسان طریقہ

اچھی نیند کو یقینی بنا کر ڈپریشن اور انزائٹی سے خود کو بچانا ممکن ہوتا ہے۔

ذہنی صحت پر مرتب ہونے والے دیگر عناصر جیسے طرز زندگی اور جسمانی وزن کو مدنظر رکھنے پر بھی معلوم ہوا کہ گریاں کھانے کی عادت ڈپریشن سے بچانے میں مدد فراہم کرتی ہے۔

محققین نے بتایا کہ نتائج سے گریوں سے ذہنی صحت پر مرتب ہونے والے مثبت اثرات کا عندیہ ملتا ہے۔

ان کا کہنا تھا کہ تمباکو نوشی اور الکحل کا استعمال، موٹاپا، سبزیوں اور پھلوں کا کم استعمال، جسمانی طور پر متحرک نہ ہونا، ناکافی نیند اور تنہائی کو ڈپریشن کا خطرہ بڑھانے والے عناصر تصور کیا جاتا ہے۔

وہ عام عادات جو آپ کو ڈپریشن کا شکار بنا سکتی ہیں

روزمرہ کی چند عام عادات سے ڈپریشن سے متاثر ہونے کا خطرہ بڑھتا ہے۔

انہوں نے بتایا کہ صحت کے لیے مفید غذائی عادات جیسے گریاں کھانے سے ذہنی صحت کو ٹھیک رکھنے میں مدد ملتی ہے۔

محققین کے مطابق گریوں میں ایسے اہم اجزا جیسے فائبر، پروٹین، صحت کے لیے مفید چکنائی، فیٹی ایسڈز، وٹامنز اور اینٹی آکسائیڈنٹس موجود ہوتے ہیں جو ذہنی صحت کے لیے مفید ثابت ہوتے ہیں۔

انہوں نے مزید کہا کہ ڈپریشن دنیا بھر میں سب سے عام ذہنی عارضہ ہے مگر اس سے بچنا زیادہ مشکل نہیں۔

ڈپریشن کی وہ حیران کن علامات جو بیشتر افراد نظرانداز کر دیتے ہیں

ڈپریشن کی علامات بہت زیادہ مختلف ہوسکتی ہیں اور ضروری نہیں کہ وہ اداسی یا مایوسی سے جڑی ہوں۔

اس تحقیق کے نتائج جرنل کلینیکل نیوٹریشن میں شائع ہوئے۔