ڈپریشن کی وہ حیران کن علامات جو بیشتر افراد نظرانداز کر دیتے ہیں

جب آپ ڈپریشن کے شکار کسی فرد کا تصور کرتے ہیں تو قوی امکان ہے کہ آپ کے ذہن میں بہت اداس اور مایوس شخص کی تصویر ابھرے گی۔

مگر حقیقت تو یہ ڈپریشن کی علامات بہت زیادہ مختلف ہوسکتی ہیں اور ضروری نہیں کہ وہ اداسی یا مایوسی سے جڑی ہوں۔

ڈپریشن کو ہمیشہ آپ سے دور رکھنے والے آسان طریقے

ڈپریشن کے شکار افراد کو دماغی اور جسمانی دونوں طرح کے مسائل کا سامنا ہوتا ہے۔

طبی ماہرین کے مطابق اکثر مریض اپنی علامات سے ڈپریشن کو پہچان نہیں پاتے کیونکہ وہ انہیں کسی دوسرے مسئلے کا نتیجہ سمجھتے ہیں۔

ڈیرپشن کی کچھ علامات ایسی ہوتی ہیں جو بہت زیادہ عام ہوتی ہیں مگر حیران کن طور پر وہ اداسی یا مایوسی سے جڑی نہیں ہوتیں۔

اس کے نتیجے میں مرض کی تشخیص نہیں ہو پاتی کیونکہ لوگ ذہنی طور پر خود کو اداس یا مایوس محسوس نہیں کرتے۔

جذبات کا غیر معمولی شدت سے اظہار

احساسات کے اظہار میں ڈرامائی تبدیلی بھی ڈپریشن کی علامت ہوسکتی ہے۔

جسمانی طور پر فٹ لوگوں کو ہارٹ اٹیک کیوں ہوتا ہے؟

نوجوانوں سمیت وہ افراد جو بظاہر تندرست اور فٹ نظر آتے ہیں، انہیں بھی ہارٹ اٹیک ہورہا ہے جو کہ یقیناً تشویش کی بات ہے۔

اگر آپ معمولی باتوں پر خود کو بہت زیادہ مشتعل، مایوس، اداس یا بے چین محسوس کرتے ہیں تو یہ ڈپریشن کا نتیجہ ہو سکتا ہے۔

چیزیں بھولنا

کیا آپ چابیاں رکھ کر بھول جاتے ہیں یا یہ یاد نہیں رہتا کہ آج کیا کرنا تھا؟ تو یہ بھی ڈپریشن کا نتیجہ ہو سکتا ہے۔

ڈپریشن سے جسم میں تناؤ بڑھانے والے ہارمون کورٹیسول کی سطح بڑھ جاتی ہے جس سے دماغ کے یادداشت سے منسلک حصے کمزور ہو جاتے ہیں۔

جگر کیلئے وہ نقصان دہ غذائیں جو بیشتر افراد بہت شوق سے کھاتے ہیں

جگر پر چربی چڑھنے کا مرض ایک دائمی عارضہ ہے جس کا سامنا دنیا بھر میں کروڑوں افراد کو ہوتا ہے۔

ضرورت سے زیادہ کھانا

ضرورت سے زیادہ کھانے کی عادت کو بھی ڈپریشن سے منسلک کیا جاتا ہے، خاص طور پر درمیانی عمر کے افراد میں، جس کے نتیجے میں جسمانی وزن میں بھی اضافہ ہوتا ہے اور امراض قلب کا خطرہ بڑھتا ہے۔

بلاوجہ خریداری

اگر چیزوں کی خریداری آپ کے کنٹرول میں نہ رہے اور آپ ضرورت سے زیادہ خرچہ کرنے لگیں تو یہ بھی ڈپریشن کا نتیجہ ہوسکتا ہے۔

اس کے لیے ریٹیل تھراپی کی اصطلاح استعمال ہوتی ہے جس کے ذریعے مریض اپنے ڈپریشن کے احساس کو کم کرنے کی کوشش کرتا ہے، مگر اس سے کوئی خاص فائدہ نہیں ہوتا۔

اچھی صحت اور جسمانی فٹنس کیلئے آپ کو روزانہ کتنے منٹ ورزش کرنے کی ضرورت ہے؟

آپ کو خود کو فٹ رکھنے کے لیے جم جا کر کئی گھنٹوں تک ورزش کرنے کی ضرورت نہیں۔

انٹرنیٹ کا حد سے زیادہ استعمال

تحقیقی رپورٹس میں انٹرنیٹ کے بہت زیادہ (خاص طور پر سوشل میڈیا نیٹ ورکس کا) استعمال اور ڈپریشن کے درمیان تعلق کو دریافت کیا گیا ہے۔

ایسے افراد گیمز کھیلنے یا نامناسب مواد دیکھنے میں بہت زیادہ وقت گزارتے ہیں۔

تمباکو نوشی

تحقیقی رپورٹس سے ثابت ہوتا ہے کہ ڈپریشن سے تمباکو نوشی کرنے امکان بڑھ جاتا ہے اور اگر پہلے سے تمباکو نوشی کے عادی ہیں تو اس کی شرح بڑھ جاتی ہے۔

وہ غذا جس کے زیادہ استعمال سے ڈپریشن کا خطرہ بڑھتا ہے

الٹرا پراسیس غذاؤں کا زیادہ استعمال کرنے والے افراد میں ڈپریشن کا خطرہ دیگر کے مقابلے میں 80 فیصد زیادہ ہوتا ہے۔

ناقابل وضاحت تکلیف

اگر آپ کو اکثر ایسی تکلیف ہوتی ہے جس کی کوئی وجہ سمجھ نہیں آتی جیسے سردرد یا کمر درد، تو یہ بھی ڈپریشن کی علامت ہے۔

اپنی پروا نہ کرنا

ذاتی صفائی (نہانے یا دانتوں کی صفائی سے گریز) سے لے کر صحت اور ذاتی تحفظ کی پروا نہ کرنے کے رویے کو بھی ڈپریشن سے منسلک کیا جاتا ہے۔

چیزیں چوری کرنا

تحقیقی رپورٹس میں انکشاف ہوا ہے کہ دکانوں سے چیزیں چوری کرنے والے ایک تہائی سے زائد افراد درحقیقت ڈپریشن کے باعث ایسا کرتے ہیں۔

کیا یہ چنے کھانے سے صحت کو کوئی فائدہ ہوتا ہے؟

کیا چنے کھانے سے فائدہ ہوتا ہے یا کوئی نقصان بھی ہو سکتا ہے؟

رپورٹس کے مطابق اس کی وجہ سے ڈپریشن کے شکار افراد کو سنسنی کا احساس ہوتا ہے جس سے انہیں عارضی ریلیف ملتا ہے۔

توجہ مرکوز نہ کرپانا

ڈپریشن کے نتیجے میں توجہ مرکوز کرنے کی صلاحیت بری طرح متاثر ہوتی ہے اور روزمرہ کے معمولات کے بارے میں فیصلے کرنے بھی مشکل ہو جاتا ہے۔

ماہرین کے مطابق ڈپریشن کے نتیجے میں دماغی افعال سست رفتار ہو جاتے ہیں۔

کیا آپ کو معلوم ہے کہ صحت مند افراد کا بلڈ پریشر کتنا ہونا چاہیے؟

بیشتر افراد کو یہ علم ہی نہیں ہوتا کہ صحت مند افراد کا بلڈ پریشر کتنا ہونا چاہیے۔

خالی الذہن

ڈپریشن کے شکار افراد کا رویہ اکثر ایسا ہوتا ہے جیسے انہیں کچھ بھی محسوس نہیں ہوتا۔

وہ چیزیں جو پہلے انہیں مسکرانے یا آنسو بہانے پر مجبور کر دیتی تھیں، ان سے بھی انہیں کوئی فرق نہیں پڑتا۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔