25 اگست ، 2023 
پاکستان
واٹس ایپ پر موبائل ہیکنگ لنک بھیج کر معلومات کے حصول کی کوشش کی گئی، سکیورٹی ادارے اس معاملے میں پوری طرح الرٹ ہیں: وزیراعظم آفس— فوٹو:فائل
سرکاری افسران کے موبائل ہیک کرنے کی کوشش کا انکشاف، بیوروکریسی کو محتاط رہنے کی ہدایت
25 اگست ، 2023
سینیئر سرکاری عہدیداران کے موبائل فون ہیک کرنے اور حساس معلومات کے حصول کی کوشش بےنقاب ہوگئی۔
وزیراعظم آفس کی جانب سے جاری اعلامیے کے مطابق سرکاری عہدیداران کے نام پر افسران اوربیوروکریسی سے حساس معلومات کےحصول کی کوشش کی گئی۔
اعلامیے میں کہا گیا ہے کہ واٹس ایپ پر موبائل ہیکنگ لنک بھیج کر معلومات کے حصول کی کوشش کی گئی۔
اعلامیے میں بتایا گیا ہے کہ حکومت نے سرکاری افسران کو چوکنا رہنے اور ایسے کسی بھی میسج کا جواب نہ دینے کی ہدایت کی ہے۔
افسران کو ہدایت کی گئی ہے کہ ایسا موبائل پیغام موصول ہونے پر کابینہ ڈویژن کو اطلاع دی جائے۔
اعلامیے کے مطابق سکیورٹی ادارے اس معاملے میں پوری طرح الرٹ ہیں۔
