28 اگست ، 2023 
پاکستان
پولیس کے مطابق زمیندار نےکچھ عرصہ قبل 50 ایکڑ زمین 14 کروڑ روپے میں فروخت کی تھی۔ فوٹو فائل
خیرپور: ڈاکوؤں نے زمیندار کے گھر کا صفایا کر دیا، 8 کروڑ اور 25 تولے سونا لوٹ کر فرار
28 اگست ، 2023
خیرپور میں ڈاکو مقامی زمیندار کے گھر سے 8 کروڑ روپے اور 25 تولے سونا لوٹ کر فرار ہو گئے۔
پولیس کے مطابق مقامی زمیندار کے گھر ڈکیتی کا واقعہ خیر پور کے علاقے کوٹ ڈیجی میں پیش آیا، زمیندار نے بتایا کہ 5 ڈاکو گھر سے نقدی، طلائی زیورات اور اسلحہ لوٹ کر فرار ہو گئے۔
زمیندار نے پولیس کو بتایا کہ ڈاکو گھر سے 8 کروڑ روپے، 25 تولے سونا اور اسلحہ لوٹ کر لے گئے۔
پولیس کا کہنا ہے کہ ڈکیتی کی اطلاع پر موقع پر پہنچ کر فارنزک ٹیم طلب کر لی گئی اور واقعے کی ہر پہلو سے تحقیقات کا آغاز کر دیا ہے۔
پولیس کے مطابق زمیندار نےکچھ عرصہ قبل 50 ایکڑ زمین 14 کروڑ روپے میں فروخت کی تھی، معاملے کی تفتیش شروع کر دی ہے، جلد ملزمان کا سراغ لگا لیا جائےگا۔
