29 اگست ، 2023 
ایف پی سی سی آئی کا سستی بجلی کیلئے آئی ایم ایف معاہدے پر نظرثانی کا مطالبہ
29 اگست ، 2023
فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نے سستی بجلی کی فراہمی کے لیے عالمی مالیاتی فنڈ (آئی ایم ایف) معاہدے پر نظرثانی کا مطالبہ کردیا۔
لاہور میں ایف پی سی سی آئی کے عہدیداروں کے ہمراہ پریس کانفرنس کرتے ہوئے صدر ایف پی سی سی آئی عرفان اقبال شیخ نےکہا کہ بجلی کے بلوں کی وجہ سے لوگ بہت زیادہ پریشان ہیں، ایف پی سی سی آئی بجلی کی قیمتوں کو مسترد کرتی ہے، بجلی کی قیمتوں میں اضافہ معیشت کو مزید ابتر کر دےگا۔
عرفان اقبال شیخ کا کہنا تھا کہ مہنگی بجلی تاجروں اور عوام پر ظلم ہے، بار بارکہتے رہے کہ اوورسیز پاکستانیوں کے لیے نئی پالیسی لائیں، اس سے ترسیلات زر میں اضافہ ہوگا، حکومت جب تک تاجر وں اور صنعت کاروں کے ساتھ مشاورت نہیں کرےگی مسئلہ حل نہیں ہوگا، محکمےکا بندہ شامل نہ ہو توکوئی بزنس مین بجلی چوری نہیں کرسکتا۔
ان کا کہنا تھا کہ حکومت اتنی بھی قیمت نہ بڑھائےکہ صارفین بلز ادا ہی نہ کر سکیں، سرکاری ملازمین و افسران کو مفت بجلی کی فراہمی روکی جائے، پاور پلانٹ مالکان سے مل بیٹھ کر بجلی کی قیمتوں کو نیچےلایا جائے، ناقابل برداشت مہنگی بجلی کی وجہ سے کاروبار نہیں چل سکتے۔
مزید خبریں :
انٹربینک میں ڈالر کی قیمت میں کمی، اوپن مارکیٹ میں اضافہ ہوگیا
25 نومبر ، 2024
پاکستان کی بیلاروس کو رکشے برآمدکرنےکی پیشکش
25 نومبر ، 2024
سونےکی بڑھتی قیمت کو بریک لگ گئی، فی تولہ سونا کتنا سستا ہوا؟
25 نومبر ، 2024
سونےکی قیمت میں مسلسل چھٹے روز اضافہ، فی تولہ سونا کتنےکا ہوگیا؟
23 نومبر ، 2024
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
