31 اگست ، 2023 
تمباکو نوشی سے ڈپریشن سے متاثر ہونے کا خطرہ بڑھتا ہے، تحقیق
31 اگست ، 2023
بیشتر افراد کو معلوم ہے کہ تمباکو نوشی صحت کے لیے نقصان دہ ہے اور اس سے کینسر سمیت متعدد جسمانی امراض کا خطرہ بڑھتا ہے۔
مگر اس عادت سے ذہنی امراض کا خطرہ بھی بڑھتا ہے۔
یہ انکشاف ایک نئی طبی تحقیق میں سامنے آیا جس میں بتایا گیا کہ تمباکو نوشی سے ڈپریشن سے متاثر ہونے کا خطرہ بڑھتا ہے۔
Aarhus University یونیورسٹی کی تحقیق میں بتایا گیا کہ تمباکو نوشی کی عادت سے کسی ذہنی مرض کے باعث اسپتال میں داخلے کا خطرہ 250 فیصد بڑھ جاتا ہے۔
اس مقصد کے لیے محققین نے یوکے (UK) بائیو بینک سے ساڑھے 3 لاکھ افراد کا ڈیٹا حاصل کیا۔
90 فیصد افراد تمباکو نوشی کرتے تھے یا ماضی میں اس کے عادی تھے۔
تحقیق میں دریافت کیا گیا کہ ان افراد نے 20 سال کی عمر سے قبل تمباکو نوشی شروع کی تھی۔
کمپیوٹر پر اس ڈیٹا کو لوڈ کرکے جانچ پڑتال کی گئی تو دریافت ہوا کہ تمباکو نوشی سے ڈپریشن سمیت متعدد ذہنی امراض سے متاثر ہونے کا خطرہ بڑھتا ہے۔
مگر محققین نے یہ وضاحت نہیں کی کہ تمباکو نوشی اور ذہنی صحت کے درمیان کیا تعلق موجود ہے۔
انہوں نے بتایا کہ ہمارے خیال میں اس کی کئی وجوہات ہو سکتی ہیں، جیسے تمباکو میں موجود نکوٹین براہ راست دماغی ہارمونز پر اثر انداز ہوتا ہے، خاص طور پر سیروٹونین میں جذب ہوتا ہے۔
یہ بات پہلے ہی ثابت ہو چکی ہے کہ ڈپریشن کے شکار افراد میں سیروٹونین کی کمی ہوتی ہے۔
محققین کے مطابق تمباکو نوشی سے دماغی ورم بڑھتا ہے جس سے بھی ممکنہ طور پر ذہنی امراض کا خطرہ بڑھتا ہے۔
اس تحقیق کے نتائج جرنل Acta Psychiatrica Scandinavica میں شائع ہوئے۔
مزید خبریں :
ناخنوں پر نشانات کن خطرناک بیماریوں میں مبتلا ہونے کا اشارہ ہیں؟
22 نومبر ، 2024
پاکستان میں مزید 2 بچے پولیو وائرس سے متاثر، تعداد 52 ہوگئی
22 نومبر ، 2024
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
یورک ایسڈ کو کنٹرول کرنے والے بہترین مشروبات
21 نومبر ، 2024
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
