01 ستمبر ، 2023 
گوگل کروم کی نئی ٹِرک جو ویڈیو کا اسکرین شاٹ لینے کی ضرورت ختم کر دے گی
01 ستمبر ، 2023
اگر آپ ویب براؤزنگ کے لیے گوگل کروم استعمال کرتے ہیں تو اس کا ایک نیا فیچر ضرور پسند آئے گا۔
اس فیچر کے ذریعے کسی ویڈیو فریم کو اسکرین شاٹ کے بغیر ہی کاپی کرنا ممکن ہو جائے گا۔
گوگل کی جانب سے ایک بلاگ پوسٹ میں کروم کے لیے کاپی ویڈیو فریم نامی فیچر متعارف کرانے کا اعلان کیا گیا۔
جیسا نام سے عندیہ ملتا ہے کہ اس سے کسی ویڈیو کا ایک فریم کاپی کیا جا سکتا ہے۔
گوگل نے بتایا کہ آپ کسی ویڈیو کو پلے کرنے کے بعد مطلوبہ منظر پر اسے روک دیں اور پھر اس فریم کو کاپی کرلیں۔
فی الحال یہ فیچر یوٹیوب پر کام کر رہا ہے مگر امکان ہے کہ جلد دیگر ویڈیو سروسز پر بھی اسے استعمال کرنا ممکن ہوگا۔
اس فیچر کو استعمال کرنے کے لیے یوٹیوب پر ویڈیو پلے کرنے کے بعد مطلوبہ منظر پر روک دیں اور پھر ماؤس سے 2 بار رائٹ کلک کرکے کاپی ویڈیو فریم کے آپشن پر کلک کریں۔
گوگل کے مطابق صارفین پہلے کی طرح کسی ویڈیو فریم کا اسکرین شاٹ بھی لے سکتے ہیں۔
مگر اسکرین شاٹ فوٹو کا معیار زیادہ اچھا نہیں ہوتا جبکہ اس میں ویڈیو پروگریس بار بھی نظر آتی ہے۔
کمپنی کے مطابق کاپی ویڈیو فریم فیچر سے زیادہ معیاری اور صاف تصویر کا حصول ممکن ہو جائے گا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
