ڈپریشن کے شکار افراد میں ذیابیطس سے متاثر ہونے کا خطرہ بہت زیادہ ہوتا ہے، تحقیق

ڈپریشن ایک ایسا مرض ہے جس سے موجودہ عہد میں ہر عمر کے افراد متاثر ہو رہے ہیں۔

ڈپریشن کے شکار افراد کو دماغی اور جسمانی دونوں طرح کے مسائل کا سامنا ہوتا ہے۔

اب انکشاف ہوا ہے کہ ڈپریشن کا سامنا کرنے والے افراد میں ذیابیطس ٹائپ 2 جیسے دائمی مرض سے متاثر ہونے کا خطرہ نمایاں حد تک بڑھ جاتا ہے۔

درحقیقت ایک طبی تحقیق میں انکشاف کیا گیا کہ ڈپریشن براہ راست ذیابیطس ٹائپ 2 کا شکار بنانے والا مرض ثابت ہو سکتا ہے۔

سائنسدانوں نے جگر کے عام ترین مرض سے بچانے میں مددگار غذا شناخت کرلی

جگر پر چربی چڑھنے کا مرض ایک دائمی عارضہ ہے جس کا سامنا دنیا بھر میں کروڑوں افراد کو ہوتا ہے۔

برطانیہ کی سرے یونیورسٹی کی تحقیق میں لاکھوں افراد کے جینیاتی ڈیٹا کی جانچ پڑتال کی گئی تھی جن میں سے 19 ہزار افراد ذیابیطس کے شکار تھے جبکہ ڈیڑھ لاکھ سے زائد نے خود کو ڈپریشن کا شکار قرار دیا تھا۔

تحقیق میں دریافت کیا گیا کہ 7 جینز ڈپریشن اور ذیابیطس دونوں امراض کا شکار بنانے میں کردار ادا کرتے ہیں۔

یہ جینز دماغ، لبلبے، چربی کے ٹشوز میں ورم کا باعث بنتے ہیں اور ان کے حیاتیاتی عمل میں ایسی تبدیلیاں آتی ہیں جن سے وضاحت ہوتی ہے کہ کس طرح ڈپریشن سے ذیابیطس ٹائپ 2 سے متاثر ہونے کا خطرہ بڑھتا ہے۔

نیند کی کمی کس طرح دماغ کو نقصان پہنچاتی ہے؟

نیند کی کمی سے نہ صرف چڑچڑا پن بڑھتا ہے بلکہ اس سے الزائمر اور دیگر دماغی امراض کا خطرہ بھی بڑھ جاتا ہے۔

محققین کے مطابق اس تعلق سے عندیہ ملتا ہے کہ ڈپریشن کے شکار افراد میں ذیابیطس ٹائپ 2 سے متاثر ہونے کا خطرہ بڑھتا ہے۔

انہوں نے کہا کہ ڈپریشن کی تاریخ رکھنے والے افراد کو ذیابیطس ٹائپ 2 کے خطرے پر نظر رکھنی چاہیے تاکہ وہ اس دائمی مرض سے خود کو بچا سکیں۔

طبی ماہرین برسوں سے جانتے ہیں کہ ذیابیطس کے مریضوں میں ڈپریشن کا خطرہ دوگنا زیادہ ہوتا ہے جبکہ یہ بھی معلوم ہے کہ ڈپریشن کے مریضوں میں ذیابیطس کی تشخیص کا خطرہ ہوتا ہے۔

مگر اب تک واضح نہیں تھا کہ ڈپریشن ذیابیطس کا شکار بنانے والا مرض ہے یا اس حوالے سے کونسے عناصر کردار ادا کرتے ہیں۔

موسمیاتی تبدیلیاں پھیپھڑوں کے امراض کے شکار افراد کیلئے خطرہ بڑھا رہی ہیں، تحقیق

موسمیاتی تبدیلیوں کے اثرات سے دنیا بھر میں کروڑوں افراد کے لیے سانس لینا مشکل ہو سکتا ہے۔

اس تحقیق میں دریافت کیا گیا کہ ڈپریشن کے شکار افراد میں ذیابیطس کی تشخیص کا خطرہ بڑھ جاتا ہے، البتہ ذیابیطس سے ڈپریشن سے متاثر ہونے کا خطرہ نہیں بڑھتا۔

محققین کا کہنا تھا کہ نتائج سے واضح ہوتا ہے کہ ڈپریشن ذیابیطس ٹائپ 2 کا خطرہ بڑھانے والا عنصر ہے اور یہی وجہ ہے کہ ذہنی صحت کے اس مرض کی روک تھام کے لیے کوششیں کی جانی چاہیے۔

اس تحقیق کے نتائج جرنل Diabetes Care میں شائع ہوئے۔