27 ستمبر ، 2023 
جرائم
فوٹو: اسکرین شاٹ
سبق یادنہ کرنے پرقاری کا بچےکی زبان پرکیل رکھ کر تشدد،کیل حلق میں چلی گئی
27 ستمبر ، 2023
ملتان میں سبق یادنہ کرنے پر قاری نےکمسن بچےکی زبان پرکیل رکھ کر تشدد کیا، بچے کے رونے اور گہرا سانس لینے پرکیل حلق میں چلی گئی۔
پولیس کے مطابق کمسن بچے ہارون نے سبق یاد نہیں کیا تو مدرسےکے قاری نے ایک کیل سزا کے طور پر اس کی زبان کے نیچے رکھ دی، اس پر بچہ درد سے رونے لگا تو کیل حلق کے اندر چلی گئی جس کے بعد بچے نے الٹیاں شروع کر دیں۔
بچےکو نشتر اسپتال منتقل کیا گیا جہاں ڈاکٹروں نے پیچیدہ آپریشن کرکے 6 سینٹی میٹر لمبی کیل نکال لی۔
ایم ایس نشتر اسپتال ڈاکٹر امجد راؤ کے مطابق بچےکی حالت اب تسلی بخش ہے۔
دوسری جانب پولیس کا کہنا ہےکہ مدرسےکے قاری کے خلاف تھانہ بی زیڈ میں مقدمہ درج کرلیا گیا ہے، ملزم کو گرفتار کرنےکی کوشش کی جارہی ہے۔
مزید خبریں :
کراچی کے جناح اسپتال سے پولیس کی حراست سے خطرناک قیدی فرار
17 نومبر ، 2024
