اسمارٹ فونز کی نیلی روشنی اور قبل از وقت بلوغت کے درمیان تعلق ہے، تحقیق

اسمارٹ فونز یا ٹیبلیٹ جیسی ڈیوائسز سے خارج ہونے والی نیلی روشنی قبل از وقت بلوغت کا باعث بن سکتی ہے۔

کم از کم چوہوں میں ایسا دیکھنے میں آیا ہے۔

یہ بات ترکیہ میں ہونے والی ایک طبی تحقیق میں سامنے آئی۔

غازی یونیورسٹی اور انقرہ بلقان سٹی ہاسپٹل کی اس تحقیق میں پہلی بار ڈیوائسز کی نیلی روشنی اور نر چوہوں میں قبل از وقت بلوغت کے درمیان تعلق کے بارے میں بتایا گیا۔

ناشتہ کرنا پسند نہیں؟ تو اس عادت کا یہ نقصان دنگ کر دے گا

ناشتہ نہ کرنا کینسر کی مخصوص اقسام سے متاثر ہونے کا خطرہ بڑھا سکتا ہے۔

خیال رہے کہ حالیہ برسوں میں متعدد تحقیقی رپورٹس میں بتایا کہ لڑکوں اور لڑکیوں میں قبل از وقت بلوغت کی شرح بڑھی ہے، خاص طور پر کووڈ 19 کی وبا کے دوران۔

اس نئی تحقیق کے نتائج سے عندیہ ملتا ہے کہ اس کی ایک وجہ نیلی روشنی خارج کرنے والی ڈیوائسز کا زیادہ استعمال بھی ہو سکتا ہے، مگر ابھی حتمی طور پر کچھ کہنا ممکن نہیں۔

محققین نے کہا کہ ہم نے دریافت کیا کہ ڈیوائسز کی نیلی روشنی سے مخصوص ہارمونز کی سطح میں تبدیلی آتی ہے، ابھی ان نتائج کا اطلاق بچوں پر نہیں کیا جاسکتا مگر اسے خطرہ بڑھانے والا عنصر ضرور تصور کیا جانا چاہیے۔

ذیابیطس جیسے مرض سے بچنے کے لیے ورزش کرنے کا بہترین وقت جان لیں

ذیابیطس ٹائپ 2 جیسے مرض کو خود سے دور رکھنا چاہتے ہیں تو صبح اور دوپہر کو ورزش کرنا بہترین ہے۔

اس تحقیق کے دوران 21 دن کی عمر کے 18 نر چوہوں کو شامل کیا گیا تھا جن کو 3 گروپس میں تقسیم کیا گیا۔

ایک گروپ کو عام روشنی میں رکھا گیا، دوسرے گروپ کو روزانہ 6 گھنٹے تک نیلی روشنی کی زد میں رکھا گیا جبکہ تیسرے کو 12 گھنٹے تک نیلی روشنی میں رکھا گیا۔

محققین نے دریافت کیا کہ نیلی روشنی کی زد میں رہنے والے چوہوں میں قبل از وقت بلوغت کے آثار نمایاں ہوگئے۔

درحقیقت نیلی روشنی کا دورانیہ جتنا زیادہ ہوتا ہے، چوہوں میں بلوغت کا آغاز اتنی جلد ہوتا ہے۔

دہی کھانے کا ایک اور بہترین فائدہ دریافت

دہی میں موجود پروٹینز سانس کی بو خاص طور پر لہسن کھانے کے بعد پیدا ہونے والی بو کی روک تھام کرتے ہیں۔

تحقیقی ٹیم کی ایک پرانی تحقیق میں مادہ چوہوں کو شامل کیا گیا تھا اور اس کے نتائج بھی اسی طرح کے تھے۔

محققین کا کہنا تھا کہ پہلی بار ہم نے نر چوہوں میں نیلی روشنی اور قبل از وقت بلوغت کے درمیان تعلق کو دریافت کیا۔

انہوں نے مزید کہا کہ یہ نتائج مادہ چوہوں پر کیے جانے والے تحقیقی کام سے مطابقت رکھتے ہیں۔

جوان افراد میں ہارٹ اٹیک، فالج اور ذیابیطس جیسے امراض بڑھنے کی اہم وجہ دریافت

طبی ماہرین نے اس کی ایک اہم وجہ دریافت کی ہے اور وہ ہے جسمانی سرگرمیوں سے دوری۔

انہوں نے کہا کہ یہ چوہوں پر ہونے والی تحقیق تھی اور اس کے نتائج کا انسانوں پر براہ راست اطلاق نہیں ہو سکتا ہے، مگر ہم نے اس حوالے سے مزید تحقیق کے لیے بنیاد فراہم کردی ہے کیونکہ موجودہ عہد میں ڈیوائسز کا استعمال بڑھ رہا ہے۔

اس تحقیق کے نتائج جرنل Frontiers in Endocrinology میں شائع ہوئے۔