01 اکتوبر ، 2023 
پاکستان
حویلی سے تحویل میں لینے سے قبل ہی ڈی وی آر کا ڈیٹا ڈیلیٹ کیا جاچکا تھا جبکہ ڈی وی آر سے ڈیلیٹ کیے گئے ڈیٹا کی ریکوری بھی نہیں ہوسکی: ذرایع— فوٹو فائل
رانی پور: کمسن فاطمہ ہلاکت کیس میں پولیس ڈیجیٹل فارنزک شواہد حاصل کرنے میں ناکام
01 اکتوبر ، 2023
رانی پور میں پیر کے گھر سے مردہ پائی گئی کمسن فاطمہ کے قتل کیس میں پولیس ڈیجیٹل فارنزک شواہد حاصل کرنے میں مکمل ناکام ہو گئی ہے۔
پولیس کی جانب سے تحویل میں لی گئی ڈی وی آر اور لیپ ٹاپ کا ڈيٹا ڈیلیٹ ہوچکا ہے جبکہ تفتیشی افسر ملزم اسد شاہ کے موبائل فون کا ڈيٹا حاصل کرنے میں بھی تاحال ناکام نظر آتے ہیں۔
پولیس ذرائع کے مطابق حویلی سے تحویل میں لینے سے قبل ہی ڈی وی آر کا ڈیٹا ڈیلیٹ کیا جاچکا تھا جبکہ ڈی وی آر سے ڈیلیٹ کیے گئے ڈیٹا کی ریکوری بھی نہیں ہوسکی ہے۔
ذرائع کے مطابق مرکزی ملزم اسد شاہ اپنے لیپ ٹاپ سے بھی تمام ڈیٹا ڈیلیٹ کرچکا ہے اور ملزم کے بار بار غلط پن کوڈ بتانے سے موبائل فون مکمل لاک ہوچکا ہے ۔
