روزانہ چائے پینے کا یہ فائدہ حیران کر دے گا

کیا آپ کو چائے پینا پسند ہے؟ اگر ہاں تو یہ عادت ذیابیطس ٹائپ 2 جیسے مرض سے بچانے میں مددگار ثابت ہوسکتی ہے۔

یہ بات ایک نئی طبی تحقیق میں سامنے آئی۔

آسٹریلیا کی ایڈیلیڈ یونیورسٹی اور چین کی ساؤتھ ایسٹ یونیورسٹی کی اس مشترکہ تحقیق میں بتایا گیا کہ روزانہ بغیر دودھ کی چائے پینے سے بلڈ شوگر کی سطح کو مستحکم رکھنے اور ذیابیطس ٹائپ 2 سے بچنے میں مدد ملتی ہے۔

اس تحقیق میں 20 سے 80 سال کی عمر کے لگ بھگ 2 ہزار افراد کو شامل کیا گیا تھا، جن میں سے 436 ذیابیطس جبکہ 352 ہائی بلڈ شوگر کے مریض تھے۔

سیڑھیاں چڑھنے کی عادت کا یہ فائدہ جانتے ہیں؟

روزانہ چند سیڑھاں چڑھنا آپ کو امراض قلب بشمول ہارٹ اٹیک اور فالج سے بچا سکتا ہے۔

ان افراد سے چائے پینے کی عادات کے بارے میں پوچھا گیا جیسے وہ روزانہ کتنے کپ چائے پیتے تھے یا سبز، سیاہ یا کونسی قسم کی چائے پینا پسند کرتے تھے۔

نتائج سے معلوم ہوا کہ جو افراد روزانہ چائے پیتے ہیں ان میں ہائی بلڈ شوگر یا pre-diabetes کا خطرہ 53 فیصد گھٹ جاتا ہے جبکہ ذیابیطس ٹائپ 2 سے متاثر ہونے کا امکان 47 فیصد تک کم ہو جاتا ہے۔

تحقیق کے مطابق عمر، جسمانی وزن اور طرز زندگی کی عادات کو مدنظر رکھنے پر بھی چائے کو ذیابیطس سے تحفظ کے لیے بہترین دریافت کیا گیا۔

اس سے قبل متعدد تحقیقی رپورٹس میں بتایا گیا ہے کہ چائے ینے سے دل کی شریانوں سے جڑے امراض کا خطرہ کم ہوتا ہے۔

وٹامن ڈی کی کمی کے ایک اور بڑے نقصان کا انکشاف

جسم میں وٹامن ڈی کی کمی دل کی شریانوں سے جڑے امراض کا خطرہ بڑھا دیتی ہے۔

اس نئی تحقیق میں شامل ماہرین کا کہنا تھا کہ نتائج سے معلوم ہوتا ہے کہ سیاہ چائے پینے کی عادت سے بلڈ شوگر کو کنٹرول کرنے میں مدد ملتی ہے۔

انہوں نے بتایا کہ چائے پینے سے پیشاب کے راستے شکر کا اخراج بڑھ جاتا ہے، انسولین کی مزاحمت بہتر ہوتی ہے اور بلڈ شوگر کو کنٹرول کرنا آسان ہو جاتا ہے۔

محققین کے مطابق تحقیق میں یہ تو نہیں بتایا گیا کہ ذیابیطس سے تحفظ کے لیے روزانہ کتنے کپ چائے پینی چاہیے، مگر یہ واضح ہے کہ روزانہ اس گرم مشروب کا استعمال اس جان لیوا مرض کا خطرہ کم کرتا ہے۔

انہوں نے مزید بتایا کہ سیاہ چائے میں متعدد حیاتیاتی مرکبات موجود ہوتے ہیں جو اینٹی آکسائیڈنٹ اور ورم کش خصوصیات سے لیس ہوتے ہیں۔

ہارٹ اٹیک اور فالج جیسے جان لیوا امراض سے بچنے کا آسان ترین طریقہ

روزمرہ کی جسمانی سرگرمیوں سے ہارٹ اٹیک، فالج اور قبل از وقت موت کا خطرہ کم ہوتا ہے۔

انہوں نے کہا کہ یہ مرکبات انسولین کی حساسیت بہتر کرتے ہیں جبکہ لبلبے کے خلیات کے افعال بہتر ہو جاتے ہیں۔

اس تحقیق کے نتائج یورپین ایسوسی فار دی اسٹڈی آف Diabetes کے سالانہ اجلاس کے موقع پر پیش کیے گئے۔