لوگوں کو عرق النسا کی تکلیف کا سامنا کیوں ہوتا ہے؟

عرق النسا ایک ایسے جسمانی درد کا نام ہے جو کافی عام ہوتا ہے مگر پھر بھی بیشتر افراد کو اس کے بارے میں علم نہیں ہوتا۔

نسا ایک رگ یا عصب کا نام ہے جسے انگلش میں شیاٹک نرو بھی کہا جاتا ہے، جو ہمارے جسم کی سب سے بڑی رگ ہوتی ہے۔

یہ رگ کمر کے زیریں حصے سے شروع ہوکر ٹخنے پر تک جاتی ہے اور اس میں تکلیف کو عرق النسا یا شیاٹکا کہا جاتا ہے۔

امریکن اکیڈمی آف آرتھو پیڈک سرجنز (اے اے او ایس) کے مطابق عرق النسا سے متاثر ہونے کا امکان 30 سے 50 سال کی عمر کے دوران سب سے زیادہ ہوتا ہے۔

جگر کی صحت کے لیے فائدہ مند اور نقصان دہ غذائیں کونسی ہوتی ہیں؟

کچھ غذائیں اور مشروبات جگر کی صحت کے لیے مفید جبکہ کچھ غذائیں اسے نقصان پہنچاتی ہیں۔

کلیو لینڈ کلینک کے مطابق لگ بھگ 40 فیصد بالغ افراد کو شیاٹکا کا سامنا ہوتا ہے، مگر 20 سال سے کم عمر افراد میں اس کے کیسز نہ ہونے کے برابر ہوتے ہیں۔

عرق النسا کی علامات

کمر کے زیریں حصے سے نیچے ٹانگ تک پھیلنے والا درد شیاٹکا کی سب سے بڑی علامت ہے۔

طبی ماہرین نے بتایا کہ شیاٹکا کی عام ترین علامت وہ درد ہوتا ہے جو کمر سے ٹانگوں (عموماً ایک ٹانگ) تک پھیلتا ہے، جس کے ساتھ سن ہونے اور سنسناہٹ کی علامات بھی نظر آسکتی ہیں۔

وہ حیرت انگیز وجوہات جو ہائی بلڈ پریشر کا شکار بنا دیتی ہیں

ہائی بلڈ پریشر سے ہارٹ اٹیک یا فالج جیسے جان لیوا امراض کا خطرہ بڑھ جاتا ہے۔

یہ تکلیف ٹانگ کو موڑنے، اٹھانے، کھانسنے، چھینکنے، ہنسنے یا بیٹھنے پر زیادہ بدتر ہو سکتی ہے۔

کچھ کیسز میں مسلز کی کمزوری کا بھی سامنا ہوتا ہے۔

وجوہات

اس رگ کے متاثر ہونے کی متعدد وجوہات ہو سکتی ہیں۔

ہارٹ فیلیئر جیسے جان لیوا مرض کی عام علامات جانتے ہیں؟

اس بیماری کا کا علاج نہیں بلکہ ادویات کی مدد سے اسے بڑھنے سے روکا جاتا ہے۔

طبی ماہرین کے مطابق ریڑھ کی ہڈی کے مہروں میں عمر بڑھنے کے ساتھ آنے والی تنزلی یا ہڈیوں کے بھربھرے پن کے باعث عرق النسا کا خطرہ بڑھتا ہے۔

موٹاپا، ذیابیطس ٹائپ 2، تمباکو نوشی، جسمانی سرگرمیوں سے دوری یا ماضی میں ہڈیوں کی انجری بھی اس کا خطرہ بڑھانے والے عناصر ہیں۔

علاج کیسے کریں؟

اگر بہت زیادہ تکلیف اور سنسناہٹ کا سامنا ہو یا پیشاب کرنے کے مسائل درپیش ہوں تو ڈاکٹر سے رجوع کرنا چاہیے۔

کیا اکثر آنکھ پھڑکنے پر ہمیں پریشان ہونا چاہیے؟

اگر آپ کے ساتھ ایسا ہوتا ہے تو کیا یہ کسی بیماری کے خطرے کی نشانی تو نہیں؟

اگر درد کی شدت معمولی سے معتدل ہے تو اچھی خبر یہ ہے کہ کچھ افراد میں شیاٹکا کا مسئلہ خود ہی ختم ہو جاتا ہے۔

اے اے او ایس کے مطابق آرام کرنے سے کچھ دنوں میں تکلیف ختم ہو جاتی ہے۔

اگر تکلیف میں کمی لانا چاہتے ہیں تو پہلے آئس پیک اور پھر ہیٹنگ (heating) پیڈ کو متاثرہ حصے پر استعمال کریں۔

کلیو لینڈ کلینک کے مطابق اولین 48 سے 72 گھنٹے تک دن میں آئس پیک کا استعمال کریں (ہر بار 20 منٹ کے لیے) اور پھر ہیٹنگ پیڈ کا استعمال کریں۔

گردوں کے تکلیف دہ امراض سے بچنا چاہتے ہیں؟ تو ان غذاؤں کا استعمال شروع کر دیں

دنیا بھر میں ہر 10 میں سے ایک فرد کو گردوں کے دائمی امراض کا سامنا ہوتا ہے۔

عرق النسا کے باعث معمول کی ورزش کرنا تو چند ہفتوں کے لیے ممکن نہیں ہوتا اور آرام کرنا چاہیے، مگر اس کا مطلب یہ نہیں کہ ہر وقت بیٹھ کر گزاریں۔

جسم کو حرکت دینے سے ورم کم ہوتا ہے جبکہ بیٹھے یا لیٹے رہنے سے جسم کے دیگر حصوں میں تکلیف کا سامنا ہو سکتا ہے۔

اس حوالے سے ڈاکٹر کے مشورے سے stretching ورزشیں کی جا سکتی ہیں۔

اگر 6 ہفتوں تک درد کی شدت میں کمی اور چلنا پھرنا بہتر نہ ہو تو ڈاکٹروں سے زیادہ تفصیلی معائنہ کرانا چاہیے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔