ہارٹ فیلیئر جیسے جان لیوا مرض کی عام علامات جانتے ہیں؟

ہارٹ فیلیئر ایسی طویل المعیاد بیماری ہے جس کے دوران جسم کے لیے دل مناسب مقدار میں خون پہنچانے سے قاصر ہوجاتا ہے۔

یعنی ایسا نہیں ہوتا کہ دل کام کرنا بند کر دیتا ہے، بس وہ پہلے کی طرح ٹھیک کام نہیں کر پاتا۔

اس بیماری کا علاج نہیں بلکہ ادویات کی مدد سے اسے بڑھنے سے روکا جاتا ہے۔

ہارٹ فیلیئر سے متاثر ہونے کی متعدد وجوہات ہو سکتی ہیں جو دل کے افعال پر اثر انداز ہوتی ہیں جیسے عمر بڑھنے کے ساتھ دل کے افعال کمزور ہونے لگتے ہیں۔

کیا اکثر آنکھ پھڑکنے پر ہمیں پریشان ہونا چاہیے؟

اگر آپ کے ساتھ ایسا ہوتا ہے تو کیا یہ کسی بیماری کے خطرے کی نشانی تو نہیں؟

مگر ہارٹ فیلیئر کا سامنا جوان افراد کو بھی ہو سکتا ہے اور ہائی بلڈ پریشر، دل کی شریانوں کے امراض، ہارٹ اٹیک یا پھیپھڑوں کے امراض سے اس کا خطرہ بڑھتا ہے۔

موٹاپے، ذیابیطس اور نیند کے دوران خراٹے لینے کے مسئلے یا سلیپ اپنیا کو بھی اس سے منسلک کیا جاتا ہے۔

اس کی علامات درج ذیل ہیں۔

سانس لینے میں مشکلات

یہ اس بیماری کی ایک عام علامت ہے۔

ایڑی میں تکلیف سے پریشان؟ اس سے نجات دلانے والے آسان طریقے جانیں

ایڑی میں تکلیف کے ساتھ سوجن اور ہڈی میں کمزوری جیسی پیچیدگیوں کا سامنا بھی ہو سکتا ہے۔

درحقیقت ہارٹ فیلیئر کے مریضوں کو جسمانی سرگرمیوں کے ساتھ ساتھ آرام کرتے ہوئے بھی سانس لینے میں مشکلات کا سامنا ہو سکتا ہے۔

خون کے بہاؤ میں مسائل سے  پھیپھڑوں میں پانی جمع ہونے لگتا ہے جس کے باعث سانس لینا مشکل ہو جاتا ہے۔

نقاہت یا تھکاوٹ

اگر دل درست طریقے سے کام نہ کرے تو دماغ جسم کے کم اہم حصوں جیسے ہاتھوں اور پیروں کے مسلز سے خون اہم اعضا کے لیے کھینچتا ہے۔

روزانہ ایک انڈہ کھانے سے صحت پر کیا اثرات مرتب ہوتے ہیں؟

ناشتے میں سب سے زیادہ استعمال ہونے والی غذا یعنی انڈوں کا عالمی دن ہر سال اکتوبر کے دوسرے جمعے کو منایا جاتا ہے۔

اس سے ہاتھوں اور پیروں میں کمزوری محسوس ہوسکتی ہے جبکہ روزمرہ کے کاموں جیسے سیڑھیاں چڑھتے ہوئے یا کمرے میں چلتے ہوئے شدید تھکاوٹ کا احساس بھی ہوسکتا ہے۔

شدید کھانسی اور خرخرانا

ہارٹ فیلیئر کی ایک اور نشانی تکلیف دہ کھانسی اور خرخرانا بھی ہے۔

ایسا اس وقت ہوتا ہے جب خون کے بہاؤ میں مسائل کے باعث سیال پھیپھڑوں میں جمع ہونے لگتا ہے۔

جوڑوں کی تکلیف میں کمی لانے والے بہترین طریقے

چند گھریلو ٹوٹکوں سے جوڑوں کی تکلیف میں کمی لانا ممکن ہے۔

کئی بار کھانسی کے دوران سفید یا گلابی رنگ کا بلغم بھی نظر آتا ہے۔

سوجن اور وزن میں اضافہ

سیال کا اجتماع پیروں یا معدے میں بھی ہو سکتا ہے جس کے نتیجے میں پیر، ٹانگیں اور پیٹ سوج سکتے ہیں۔

خون کا بہاؤ متاثر ہونے سے گردوں کے افعال بھی متاثر ہوتے ہیں اور وہ سوڈیم کو خارج نہیں کرپاتے جس سے بھی پیروں میں سیال جمع ہوتا ہے۔

وہ 10 علامات جو ہارٹ اٹیک کا اشارہ ہو سکتی ہیں

ہارٹ اٹیک کی مخصوص علامات ہوتی ہیں جن کو محسوس کرکے لوگ فوری طبی امداد کے لیے رجوع کر سکتے ہیں۔

جسم میں سیال جمع ہونے سے جسمانی وزن میں بھی اچانک اضافہ ہوتا ہے۔

متلی

کھانا کھاتے ہوئے متلی کا احساس ہونا یا کھانے کی خواہش ختم ہو جانا بھی اس مرض کی ایک نشانی ہے۔

نظام ہاضمہ کو مناسب مقدار میں خون اور آکسیجن نہ ملنے سے اس مسئلے کا سامنا ہوتا ہے۔

وہ عجیب چیزیں جو دماغ کو بدل دیتی ہیں

دماغ ایک پراسرار عضو ہے اور ابھی بھی ہمیں اس کے بارے میں بہت کچھ معلوم نہیں۔

دل کی دھڑکن کی رفتار بڑھ جانا

یہ بھی ایک عام انتباہی علامت ہے، خون کی روانی متاثر ہونے سے دل کی دھڑکن کی رفتار بڑھ جاتی ہے۔

الجھن محسوس ہونا

ہارٹ فیلیئر کے مریض ذہنی طور پر گم ہو جاتے ہیں اور چیزیں بھولنے لگتے ہیں۔

جسم میں سیال کا اجتماع اور خون کا بہاؤ متاثر ہونے سے دماغ پر منفی اثرات ہوتے ہیں اور مریض ہر کام کرتے ہوئے الجھن محسوس کرتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔