26 اکتوبر ، 2023 
جی میل میں ای میل ٹائپ کرنے کی ضرورت ختم
26 اکتوبر ، 2023
جی میل دنیا کی مقبول ترین ای میل سروس ہے اور اس کا نیا فیچر صارفین کو ضرور پسند آئے گا۔
اس فیچر کی بدولت صارفین کے لیے ای میل تحریر کرنا بہت آسان ہو جائے گا۔
گوگل کی اس سروس میں وائس کمپوز نامی فیچر کا اضافہ کیا جا رہا ہے۔
یہ فیچر صارفین کی آواز کو استعمال کرکے ای میل تحریر کرکے ڈرافٹ کرنے میں مدد فراہم کرے گا۔
ای میل ڈرافٹ ہونے کے بعد آرٹی فیشل انٹیلی جنس (اے آئی) ٹیکنالوجی اس ای میل کو حتمی شکل دے گی جس کے بعد صارف اسے سینڈ کرسکے گا۔
یہ نیا فیچر جی میل کے ہیلپ می رائٹ (write) نامی ٹول کا حصہ ہوگا۔
9 ٹو 5 گوگل کی رپورٹ کے مطابق یہ فیچر ابھی آزمائشی مرحلے سے گزر رہا ہے۔
یہ فیچر ان صارفین کے لیے بہت زیادہ کارآمد ہوگا جو سفر کرتے ہوئے یا کسی کام کے دوران ای میل بھیجنے کے خواہشمند ہوں گے۔
چونکہ یہ فیچر ابھی آزمائشی مرحلے سے گزر رہا ہے تو ابھی یہ کہنا مشکل ہے کہ کب تک تمام صارفین کے لیے اسے متعارف کرایا جائے گا۔
خیال رہے کہ گوگل کی جانب سے ہیلپ می رائٹ ٹول کو جون 2023 میں متعارف کرانے کا اعلان کیا گیا تھا۔
کمپنی کے مطابق اس ٹول کو استعمال کرتے ہوئے صارف کو بس یہ بتانا ہوگا کہ وہ کس موضوع پر لکھنا چاہتا ہے اور اے آئی ٹیکنالوجی فوری طور پر آپ کے لیے مضمون یا ای میل کو تحریر کر دے گی۔
کمپنی کا کہنا تھا کہ اے آئی ٹیکنالوجی کے تیار کردہ مسودے کو صارف اپنی مرضی سے ایڈٹ کرکے استعمال کر سکے گا۔
جی میل پر ای میل کمپوز کی ونڈو میں نیچے اٹیچمنٹ اور فارمیٹنگ آپشنز کے درمیان ہیلپ می رائٹ ٹول پین کی شکل کے آئیکون میں موجود ہوتا ہے۔
مزید خبریں :
جی میل میں ایک دلچسپ فیچر صارفین کے لیے متعارف
02 دسمبر ، 2024
آن لائن ٹولز نے انٹرنیٹ سست نہ ہونے کے حکومتی دعوے کی نفی کردی
02 دسمبر ، 2024
گوگل کی نئی اے آئی گیم جو شطرنج کھیلنے والوں کو ضرور پسند آئے گی
01 دسمبر ، 2024
اسپوٹیفائی نے کِن صارفین کے موسیقی چلانے پر پابندی لگا دی؟
30 نومبر ، 2024
