17 نومبر ، 2023 
فیس بک اور انسٹاگرام میں اب محض لکھ کر اپنی پسند کی ویڈیو تیار کرنا ممکن
17 نومبر ، 2023
میٹا نے 2 نئے جنریٹیو آرٹی فیشل انٹیلی جنس (اے آئی) ٹولز متعارف کرائے ہیں۔
ان ٹولز کی مدد سے صارفین تحریری ہدایات کے ذریعے تصاویر یا ویڈیوز تیار کر سکیں گے۔
ایمو ویڈیو اور ایمو ایڈٹ نامی ان ٹولز کا اعلان میٹا کے چیف ایگزیکٹو مارک زکربرگ کی جانب سے کیا گیا۔
یہ دونوں ٹولز فیس بک اور انسٹاگرام میں صارفین کو دستیاب ہوں گے۔
بعد ازاں کمپنی کی جانب سے ایک بیان میں بتایا گیا کہ ایمو ویڈیو کے ذریعے ٹیکسٹ کے ذریعے ویڈیو تیار کرنا بہت آسان ہو جائے گا۔
بیان کے مطابق یہ ٹول ایمو ماڈل پر مبنی ہےجس سے صارف ٹیکسٹ، فوٹو یا دونوں کے ذریعے اپنی پسند کا مواد تیار کرسکیں گے۔
کمپنی نے بتایا کہ یہ ٹول 2 طریقوں سے کام کرے گا، ایک طریقے سے ٹیکسٹ پروموٹ کے ذریعے تصاویر تیار ہوں گی اور پھر ان تصاویر اور ٹیکسٹ سے ویڈیو تیار ہوسکے گی۔
دوسرا ٹول ایمو ایڈٹ تصاویر کی ایڈیٹنگ کے لیے استعمال ہوگا، جس کے ذریعے بیک گراؤنڈ، کلر اور دیگر چیزوں کو ہٹانا یا شامل کرنا ممکن ہوگا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
