سردیوں میں مناسب مقدار میں پانی پینے کے فائدے جانتے ہیں؟

ہمارا جسم کا 60 فیصد حصہ پانی پر مبنی ہے اور یہی وجہ ہے کہ روزانہ مناسب مقدار میں پانی پینا بہت ضروری ہوتا ہے۔

مگر سرد موسم میں بیشتر افراد کم پانی پینے لگتے ہیں کیونکہ انہیں پیاس کا احساس کم ہوتا ہے۔

موسم گرم ہو یا سرد، مناسب مقدار میں پانی پینے سے صحت کو درست رکھنے میں مدد ملتی ہے۔

سرد موسم میں مناسب مقدار میں پانی پینے کے وہ فوائد جانیں جن کی سائنس کی جانب سے تصدیق کی جاچکی ہے۔

روزانہ کچھ مقدار میں مونگ پھلی کھانے سے صحت پر کیا اثرات مرتب ہوتے ہیں؟

مونگ پھلی کو مختلف شکلوں میں کھایا جاتا ہے مگر کیا یہ صحت کے لیے فائدہ مند ہے؟

جسمانی کارکردگی بہتر ہوتی ہے

اگر آپ کے جسم کو پانی کی کمی کا سامنا ہو تو جسمانی کارکردگی متاثر ہوتی ہے۔

ڈی ہائیڈریشن سے جسم کا درجہ حرارت گھٹ جاتا ہے، جسمانی مشقت کرنے کا عزم کم ہوتا ہے اور تھکاوٹ بڑھتی ہے، جس کے باعث کام کرنا مشکل ہو جاتا ہے۔

اس کے مقابلے میں مناسب مقدار میں پانی پینے سے جسمانی کارکردگی بہتر ہوتی ہے جبکہ جسمانی مشقت کے اثرات بھی کم ہوتے ہیں۔

آدھے سر کے درد کو آپ سے دور رکھنے میں مددگار آسان ٹپس

اس تکلیف کے ساتھ کچھ بھی کرنا بہت مشکل ثابت ہوتا ہے اور کسی کو معلوم نہیں کہ اس کا سامنا کب ہو جائے۔

دماغی افعال کے لیے اہم

ہمارا دماغ پانی کی کمی سے بہت زیادہ متاثر ہوتا ہے۔

تحقیقی رپورٹس کے مطابق جسم میں پانی کی معمولی کمی سے بھی متعدد دماغی افعال متاثر ہوتے ہیں۔

ایک تحقیق میں دریافت کیا گیا کہ پانی کی کمی سے چڑچڑے پن کا سامنا ہوتا ہے جبکہ توجہ مرکوز کرنا مشکل ہوتا ہے۔

ذیابیطس کا شکار ہونے کا عندیہ دینے والی عام علامات

ذیابیطس کی 2 اہم اقسام ٹائپ 1 اور ٹائپ 2 ہیں اور ان دونوں کی ابتدائی اہم علامات ایک جیسی ہوتی ہیں۔

اسی طرح ڈی ہائیڈریشن کے نتیجے میں تھکاوٹ اور انزائٹی جیسی علامات کا بھی سامنا ہوتا ہے، جس کے نتیجے میں جسمانی توانائی بھی کم ہوتی ہے۔

سر درد سے بچنے میں مدد ملتی ہے

ڈی ہائیڈریشن کے نتیجے میں سر درد اور مائیگرین (آدھے سر کے درد) کا خطرہ بڑھتا ہے۔

تحقیقی رپورٹس سے ثابت ہوا ہے کہ سر درد جسم میں پانی کی کمی کی سب سے عام علامت ہے۔

ہر عمر میں جِلد کو ہموار اور جگمگا کر رکھنا چاہتے ہیں؟ تو یہ آسان عادات آج ہی اپنالیں

جِلد پر عمر سے مرتب ہونے والے اثرات کے حوالے سے جینز اہم کردار ادا کرتے ہیں مگر طرز زندگی کی چند عادات بھی اہم ہوتی ہیں۔

کچھ تحقیقی رپورٹس میں بتایا گیا کہ کئی بار پانی پینے سے بھی سر درد کی شدت میں کمی آتی ہے۔

قبض کو دور رکھنا ممکن

قبض ایک بہت عام مسئلہ ہے اور جسم میں پانی کی کمی اس کا شکار بناتی ہے۔

درحقیقت ہر عمر کے افراد میں ڈی ہائیڈریشن کے نتیجے میں قبض کا خطرہ بڑھتا ہے۔

بیشتر افراد کی پسندیدہ وہ چیز جو ذیابیطس، دل اور گردوں کے امراض کا شکار بنادیتی ہے

دنیا بھر میں سافٹ ڈرنکس کے استعمال کی شرح میں مسلسل اضافہ دیکھنے میں آیا ہے۔

تو قبض کو ہمیشہ خود سے دور رکھنا چاہتے ہیں تو پانی کی مناسب مقدار کا استعمال عادت بنالیں۔

گردوں کی پتھری سے تحفظ

گردوں میں پتھری بہت عام مسئلہ ہے اور اکثر پانی کی کمی سے اسے منسلک کیا جاتا ہے۔

مناسب مقدار میں پانی پینے سے گردوں میں پتھری کا خطرہ کم ہوتا ہے کیونکہ منرلز جمع ہونے کی بجائے پیشاب کے راستے خارج ہو جاتی ہیں۔

روزانہ ایک امرود کھانے کے 12 حیرت انگیز فوائد

اس میں متعدد غذائی اجزا ہوتے ہیں جن میں وٹامن سی نمایاں ہے مگر اس کے ساتھ ساتھ متعدد اینٹی آکسائیڈنٹس بھی اس پھل کا حصہ ہوتے ہیں۔

جسمانی وزن میں کمی

مناسب مقدار میں پانی پینے سے جسمانی وزن میں کمی لانے میں مدد ملتی ہے۔

اس کی وجہ یہ پانی سے پیٹ بھرنے کا احساس دیر تک برقرار رہتا ہے جبکہ میٹابولزم افعال بہتر ہوتا ہے۔

کچھ شواہد سے عندیہ ملا ہے کہ زیادہ پانی پینے سے جسمانی وزن میں کمی لانے میں مدد ملتی ہے کیونکہ ہمارا جسم زیادہ کیلوریز جلاتا ہے۔

خاص طور پر ہر کھانے سے آدھے گھنٹے قبل پانی پینے سے جسمانی وزن میں کمی لانے میں زیادہ مدد ملتی ہے۔

جگر کو نقصان پہنچنے کی 5 سب سے بڑی ابتدائی نشانیاں

کسی بیماری یا طرز زندگی کی عادات کے نتیجے میں جگر کو نقصان پہنچتا ہے اور اس کے افعال متاثر ہوتے ہیں۔

سانس کی بو سے تحفظ

منہ خشک ہونا بھی سانس کی بو کی بڑی وجہ ہے کیونکہ لعاب دہن منہ کی صفائی میں اہم کردار ادا کرتا ہے جس کی کمی سے بیکٹریا کی مقدار بڑھتی ہے۔

تو دن بھر میں مناسب مقدار میں پانی پینے سے لعاب دہن زیادہ بنتا ہے اور سانس کی بو کے مسئلے کا سامنا نہیں ہوتا۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔