جگر کو نقصان پہنچنے کی 5 سب سے بڑی ابتدائی نشانیاں

جگر ہمارے جسم کا سب سے بڑا اندرونی عضو ہے اور وہ متعدد افعال کو سرانجام دیتا ہے۔

یہ بلڈ کلاٹنگ کو کنٹرول کرتا ہے، خون میں موجود زہریلے مواد کو خارج کرتا ہے، بائل نامی سیال کو بننے میں مدد فراہم کرتا ہے اور بھی متعدد اہم کام کرتا ہے۔

مگر کسی بیماری یا طرز زندگی کی عادات کے نتیجے میں جگر کو نقصان پہنچتا ہے اور اس کے افعال متاثر ہوتے ہیں۔

جگر کے امراض میں متعدد ایسی بیماریوں کو شامل کیا جاتا ہے جو جگر کے افعال کو متاثر کرتی ہیں۔

فضائی آلودگی کے اثرات سے پھیپھڑوں کو لڑنے میں مدد فراہم کرنیوالی بہترین غذائیں

موجودہ عہد میں فضائی آلودگی اور اسموگ وغیرہ سے پھیپھڑوں کی صحت متاثر ہوتی ہے۔

جگر پر چربی چڑھنا، ہیپاٹائٹس یا کینسر سمیت جگر کے امراض کی تعداد کافی زیادہ ہے۔

کئی بار ان امراض کی علامات فوری سامنے آجاتی ہیں مگر ہمیشہ ایسا نہیں ہوتا۔

ماہرین کے مطابق جگر کے امراض کی علامات کئی بار اس وقت سامنے آتی ہیں جب جگر کو کافی نقصان پہنچ چکا ہوتا ہے۔

تو آپ کو کیسے علم ہوگا کہ جگر کو کسی مسئلے کا سامنا ہے؟ ایسی 5 عام ترین انتباہی علامات کے بارے میں جانیں جو اس بارے میں خبردار کرتی ہیں۔

کچھ افراد کو سفر کے دوران سر چکرانے کا سامنا کیوں ہوتا ہے؟ اس سے نجات دلانے والے آسان طریقے بھی جانیں

اگر آپ کو اس عام مسئلے کا سامنا ہوتا ہے تو جان لیں کہ صدیوں سے یہ لوگوں کو پریشان کر رہا ہے۔

جِلد یا آنکھوں کا رنگ زرد ہو جانا

جگر کو نقصان پہنچنے کی سب سے نمایاں نشانی آنکھوں کی سفیدی یا جِلد کی رنگت زرد ہو جانا ہے جس سے یرقان یا پیلیا بھی کہا جاتا ہے۔

ایسا اس وقت ہوتا ہے جب جسم میں خون کے سرخ خلیات کے ٹوٹنے کے عمل کے دوران bilirubin نامی جز کی سطح بڑھ جاتی ہے۔

ہمارا جگر bilirubin کو جسم سے خارج کرنے کا کام کرتا ہے مگر جب اس کی مقدار بہت زیادہ بڑھ جاتی ہے تو یرقان کا سامنا ہوتا ہے اور جگر کے مسائل کا عندیہ ملتا ہے۔

گریپ فروٹ صحت کے لیے مفید ہوتا ہے یا نہیں؟

وٹامن سی اور اینٹی آکسائیڈنٹس سے بھرپور ہونے کے باعث یہ پھل دل، مدافعتی نظام اور جسم کے دیگر اعضا کے لیے فائدہ مند ثابت ہوتا ہے۔

پیشاب کی رنگت گہری ہو جانا

پیشاب کی رنگت گہری ہو جانا ویسے تو باعث تشویش نہیں ہوتا کیونکہ عموماً اس سے علم ہوتا ہے کہ آپ کے جسم کو پانی کی کمی کا سامنا ہے۔

مگر جگر کے امراض کے شکار افراد میں یہ بہت عام علامت ہے اور پیشاب کی رنگت گہرے نارنجی یا بھورے رنگ کی ہو جاتی ہے۔

خاص طور پر اگر مناسب مقدار میں پانی پیتے ہیں اور پھر بھی پیشاب کی رنگت گہری ہوتی ہے تو یہ کسی مسئلے کا انتباہ ہو سکتا ہے۔

ذیابیطس جیسے مرض سے بچنے کیلئے ہر ہفتے کتنی مقدار میں دہی کھانی چاہیے؟

دہی کھانے کی عادت سے آپ اس دائمی مرض سے خود کو تحفظ فراہم کر سکتے ہیں۔

ٹانگوں، ٹخنوں یا پیٹ میں سوجن

ٹانگوں اور پیروں کی سوجن سے بھی جگر میں کسی گڑبڑ کا اشارہ ملتا ہے۔

ایسا اس وقت ہوتا ہے جب جگر میں خون کی روانی سست ہو جاتی ہے اور اس تک خون پہنچانے والی شریان پر دباؤ بڑھ جاتا ہے۔

اس کے نتیجے میں ٹانگوں اور پیٹ میں سیال جمع ہونے لگتا ہے اور ایسا اس وقت ہوتا ہے جب جگر خون کے لیے درکار مخصوص پروٹینز کم مقدار میں بنانے لگتا ہے۔

معدے کے ورم سے تحفظ فراہم کرنے والی 5 آسان عادات

بیشتر افراد معدے کے ورم کے شکار ہوتے ہیں جس کے باعث قبض، متلی، تھکاوٹ، کیل مہاسوں اور دیگر مسائل کا خطرہ بڑھتا ہے۔

ذہنی الجھن

باتوں کو بھول جانا باعث تشویش نہیں مگر ذہنی حالت میں اچانک آنے والی تبدیلیوں کو نظرانداز نہیں کیا جاسکتا۔

یہ جگر میں مسائل کی نشانی بھی ہو سکتی ہے اور دیگر متعدد امراض کی علامت بھی، اگر آپ کو اچانک ذہنی الجھن کا سامنا ہو رہا ہے تو ڈاکٹروں سے رجوع کریں۔

ماہرین کے مطابق جگر کے امراض کا سامنا کرنے والے فرد کی ذہنی حالت میں تبدیلیاں آتی ہیں جیسے الجھن یا غنودگی کا سامنا ہوتا ہے۔

نزلہ زکام سے بچنے کا آسان ترین طریقہ جسے کوئی بھی اپنا سکتا ہے

ایک آسان عادت اپنا کر آپ موسمی نزلہ زکام سے خود کو محفوظ رکھ سکتے ہیں۔

معمولی رگڑ سے بھی خراش

جن افراد کے جگر کو نقصان پہنچ چکا ہوتا ہے ان کے جسم میں خراشیں بہت آسانی سے نمودار ہو جاتی ہیں یا چوٹ لگنے پر خون بہنے لگتا ہے۔

اس کی وجہ یہ ہے کہ جگر ایسے پروٹینز تیار کرتا ہے جو خون کو جمنے میں مدد فراہم کرتے ہیں۔

جب جگر کے افعال متاثر ہوتے ہیں تو جریان خون کا خطرہ بڑھ جاتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔