روزانہ دہی کھانے سے جسم پر کیا اثرات مرتب ہوتے ہیں؟

صدیوں سے انسان دہی کھا رہے ہیں اور پاکستان میں بھی اس کا استعمال بہت زیادہ ہوتا ہے۔

دہی کو روزمرہ کی غذا کا حصہ بنانے سے صحت کو بہت زیادہ فائدہ ہوتا ہے۔

مثال کے طور پر ایک کپ دہی سے جسم کو روزانہ درکار کیلشیئم کی لگ بھگ 50 فیصد مقدار مل جاتی ہے جس سے ہڈیوں کو فائدہ ہوتا ہے۔

اس سے ہٹ کر بھی دہی میں متعدد غذائی اجزا موجود ہوتے ہیں جن سے صحت کو فائدہ ہوتا ہے۔

جسمانی توانائی کو بڑھانے میں مددگار آسان طریقے

تھکاوٹ اور جسمانی توانائی میں کمی کا مسئلہ بہت عام ہوتا ہے، خاص طور پر درمیانی عمر کے افراد میں۔

اس کے چند فوائد درج ذیل ہیں۔

متعدد غذائی اجزا کا حصول

دہی میں لگ بھگ وہ تمام اجزا موجود ہوتے ہیں جن کی ہمارے جسم کو ضرورت ہوتی ہے۔

کیلشیئم سے ہڈیوں اور دانتوں کو فائدہ ہوتا ہے۔

اسی طرح دہی میں بی وٹامنز خاص طور پر وٹامن بی 12 اور وٹامن بی 2 کی مقدار بہت زیادہ ہوتی ہے اور یہ دونوں وٹامنز امراض قلب سے تحفظ فراہم کرتے ہیں۔

جسم میں وٹامن سی کی کمی کا اشارہ دینے والی 9 نشانیاں

ہمارے جسم کو وٹامن سی کی ضرورت مختلف کاموں کے لیے ہوتی ہے۔

دہی کے ایک کپ سے جسم کو روزانہ درکار فاسفورس کی 28 فیصد، میگنیشم کی 10 اور پوٹاشیم کی 12 فیصد مقدار مل جاتی ہے۔

یہ تینوں جسم کے متعدد افعال جیسے بلڈ پریشر، میٹابولزم اور ہڈیوں کی صحت کے لیے ضروری ہوتے ہیں۔

دہی میں وٹامن ڈی نہیں ہوتا مگر فورٹیفائیڈ دہی میں وٹامن ڈی موجود ہوتا ہے جو مدافعتی نظام کو مضبوط بناتا ہے۔

پروٹین سے بھرپور

دہی میں پروٹین کی مقدار کافی زیادہ ہوتی ہے۔

دانت کی تکلیف سے پریشان رہتے ہیں؟ فوری ریلیف دلانے والے طریقے جانیں

دانت کا درد کبھی بھی آپ کو اپنا شکار بناسکتا ہے مگر رات کو اس کا سامنا ہونے سے نیند متاثر ہوتی ہے۔

پروٹین میٹابولزم کی رفتار بڑھاتا ہے جس سے کیلوریز کو جلانے میں مدد ملتی ہے۔

اس کے ساتھ ساتھ پروٹین بھوک کو بھی کنٹرول میں رکھتا ہے اور ایسے ہارمونز بنانے میں مدد فراہم کرتا ہے جو پیٹ بھرنے کا احساس دیر تک برقرار رکھتے ہیں۔

ایک تحقیق میں دریافت کیا گیا کہ دہی کھانے کے عادی افراد کو بے وقت بھوک نہیں لگتی اور دن بھر میں کم کیلوریز جسم کا حصہ بناتے ہیں۔

نظام ہاضمہ کے لیے مفید

دہی میں موجود بیکٹریا یا پرو بائیوٹیکس سے نظام ہاضمہ کو فائدہ ہوتا ہے۔

پیٹ پھولنے اور گیس کے مسئلے سے پریشان؟ تو یہ غذائیں مفید ثابت ہو سکتی ہیں

چند عام غذاؤں کے استعمال سے پیٹ پھولنے کے مسئلے سے بچنے میں مدد ملتی ہے۔

یہ بیکٹریا نظام ہاضمہ کے مختلف امراض جیسے ہیضہ اور قبض سے بچانے میں کردار ادا کرتے ہیں۔

مدافعتی نظام مضبوط ہوتا ہے

دہی کھانے سے مدافعتی نظام مضبوط ہو سکتا ہے اور موسمی بیماریوں سے متاثر ہونے کا خطرہ گھٹ جاتا ہے۔

دہی میں موجود بیکٹریا جسمانی ورم میں کمی لاتے ہیں جسے متعدد امراض سے منسلک کیا جاتا ہے۔

سردیوں میں مونگ پھلی کھانے سے صحت پر کیا اثرات مرتب ہوتے ہیں؟

مونگ پھلی کو مختلف شکلوں میں کھایا جاتا ہے مگر کیا یہ صحت کے لیے فائدہ مند ہے؟

تحقیقی رپورٹس کے مطابق پرو بائیوٹیکس کے استعمال سے موسمی نزلہ زکام کے دورانیے اور شدت میں کمی لانے میں بھی ممکنہ مدد ملتی ہے۔

دہی میں موجود میگنیشم اور زنک سے بھی مدافعتی نظام کی صحت بہتر ہوتی ہے۔

دل کی صحت کے لیے بھی مفید

تحقیقی رپورٹس سے ثابت ہوا ہے کہ دہی یا دودھ میں موجود چکنائی سے صحت کے لیے مفید کولیسٹرول کی سطح میں اضافہ ہوتا ہے جس سے دل کی صحت کو تحفظ ملتا ہے۔

ایک تحقیق کے مطابق دہی کھانے کی عادت سے امراض قلب سے متاثر ہونے کا خطرہ کم ہوتا ہے۔

سردیوں میں مناسب مقدار میں پانی پینے کے فائدے جانتے ہیں؟

سرد موسم میں بیشتر افراد کم پانی پینے لگتے ہیں کیونکہ انہیں پیاس کا احساس کم ہوتا ہے۔

دہی میں موجود پوٹاشیم سے بلڈ پریشر کو کنٹرول کرنے میں مدد ملتی ہے اور ہائی بلڈ پریشر امراض قلب کا خطرہ بڑھانے والا ایک اہم ترین عنصر ہے۔

جسمانی وزن کو کنٹرول میں رکھنا ممکن ہوتا ہے

متعدد تحقیقی رپورٹس میں دہی کھانے کی عادت کو جسمانی وزن میں کمی سے منسلک کیا گیا ہے جبکہ جسمانی چربی میں بھی کمی آتی ہے۔

سرسوں کا ساگ کھانے کے یہ فوائد جانتے ہیں؟

جدید تحقیق میں سرسوں کے ساگ کے فوائد کو ثابت کیا گیا ہے۔

ہڈیاں مضبوط بنائے

دہی میں موجود کیلشیئم اور دیگر اجزا ہڈیوں کو مضبوط بنانے میں بھی کردار ادا کرتے ہیں۔

کیلشیئم، پروٹین، پوٹاشیم اور فاسفورس سب ہڈیوں کو مضبوط بناتے ہیں اور تحقیقی رپورٹس سے ثابت ہوا ہے کہ روزانہ دہی کھانے سے ہڈیوں کے مختلف امراض سے بچنے میں مدد مل سکتی ہے۔

سانس کی بو دور کرے

سانس کی بو کے مسئلے سے مستقل نجات کا ایک بہترین طریقہ دہی کو غذا کا حصہ بنانا ہے۔

ایک تحقیق میں دریافت کیا گیا کہ جن افراد کو 6 ہفتوں تک دہی کا استعمال کرایا گیا تو ان کے منہ میں بو کا باعث بننے والے مرکبات کی سطح گھٹ گئی جبکہ plaque کا باعث بننے والے جراثیم بھی کم ہوجاتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔