دانت کی تکلیف سے پریشان رہتے ہیں؟ فوری ریلیف دلانے والے طریقے جانیں

دانتوں میں درد بہت تکلیف دہ ہوتا ہے اور کھانا پینا مشکل ہو جاتا ہے۔

دانت کا درد کبھی بھی آپ کو اپنا شکار بناسکتا ہے مگر رات کو اس کا سامنا ہونے سے نیند متاثر ہوتی ہے۔

دانت کا درد رات کو زیادہ بدتر محسوس ہوتا ہے۔

اس کی ایک وجہ تو یہ ہے کہ جب کوئی فرد لیٹتا ہے تو خون کا بہاؤ سر کی جانب بڑھ جاتا ہے جس سے دانت کی تکلیف بڑھ جاتی ہے۔

پیٹ پھولنے اور گیس کے مسئلے سے پریشان؟ تو یہ غذائیں مفید ثابت ہو سکتی ہیں

چند عام غذاؤں کے استعمال سے پیٹ پھولنے کے مسئلے سے بچنے میں مدد ملتی ہے۔

اسی طرح رات کو مصروفیت نہ ہونے سے دماغ کی توجہ دانت کے درد پر زیادہ مرکوز ہوتی ہے۔

مگر اچھی بات یہ ہے کہ ایسے طریقوں کی کمی نہیں جس سے کسی حد تک ریلیف مل سکتا ہے اور فارغ وقت میں ڈاکٹر سے رجوع کیا جاسکتا ہے۔

درد میں کمی لانے والی عام ادویات

سر درد یا جسمانی تکلیف کے لیے دستیاب عام درد کش ادویات دانتوں کے معمولی سے معتدل درد کے حوالے سے بھی مؤثر ثابت ہوسکتی ہیں، البتہ تکلیف بہت زیادہ ہو تو ڈاکٹر سے مشورہ کرکے دوا کا استعمال کرنا چاہیے۔

سردیوں میں مونگ پھلی کھانے سے صحت پر کیا اثرات مرتب ہوتے ہیں؟

مونگ پھلی کو مختلف شکلوں میں کھایا جاتا ہے مگر کیا یہ صحت کے لیے فائدہ مند ہے؟

برف سے مدد لیں

کولڈ کمپریس کے استعمال سے بھی دانت کی تکلیف میں کمی لانا ممکن ہے۔

اس مقصد کے لیے برف کے ایک بیگ کو تولیے میں لپیٹ کر چہرے یا جبڑے کے متاثرہ حصے پر لگائیں، ایسا کرنے سے اس حصے میں موجود شریانیں سکڑ جاتی ہیں جس سے تکلیف میں کمی آتی ہے۔

سر اونچا رکھیں

سر میں خون جمع ہونے سے متاثرہ فرد کو اضافی تکلیف اور ورم کا سامنا ہوسکتا ہے، تو سر کے نیچے ایک یا 2 اضافی تولیے رکھنے سے تکلیف میں کافی حد تک کمی آسکتی ہے۔

سردیوں میں مناسب مقدار میں پانی پینے کے فائدے جانتے ہیں؟

سرد موسم میں بیشتر افراد کم پانی پینے لگتے ہیں کیونکہ انہیں پیاس کا احساس کم ہوتا ہے۔

نمکین پانی کی کلیاں

نمک ملے پانی سے کلیاں کرنے سے بھی دانتوں کی تکلیف میں کمی آتی ہے بلکہ یہ بہت عام گھریلو ٹوٹکا ہے۔

نمک ملا پانی قدرتی طور پر جراثیم کش ہوتا ہے جس سے ورم میں کمی آتی ہے اور متاثرہ دانت کو انفیکشن سے تحفظ ملتا ہے۔

کلیاں کرنے سے دانتوں یا مسوڑے میں پھنسے کھانے کے ذرات بھی باہر نکل جاتے ہیں۔

ہڈیوں کو ہمیشہ مضبوط رکھنا چاہتے ہیں؟ تو یہ آسان عادات اپنالیں

اچھی بات یہ ہے کہ ہڈیوں کی صحت کا خیال رکھنا بہت آسان ہوتا ہے۔

ہائیڈروجن پری آکسائیڈ

مسوڑوں میں ورم عموماً منہ کی ناقص صفائی کا نتیجہ ہوتا ہے جس سے دانتوں کے مسائل کا بھی سامنا ہوتا ہے۔

ہائیڈروجن پری آکسائیڈ پر مبنی ماؤتھ واش سے کلیاں کرنے سے مسوڑوں کے ورم میں کمی لانے میں مدد مل سکتی ہے جس سے دانت کا درد بھی کم ہوجاتا ہے۔

اس سیال کو کبھی نگلنے کی کوشش مت کریں اور بچوں پر کبھی اس کی آزمائش مت کریں۔

سرسوں کا ساگ کھانے کے یہ فوائد جانتے ہیں؟

جدید تحقیق میں سرسوں کے ساگ کے فوائد کو ثابت کیا گیا ہے۔

پودینے کی چائے

پودینے کی چائے کو پینے سے بھی دانت کے درد میں عارضی ریلیف مل سکتا ہے۔

محققین کے مطابق پودینے میں اینٹی آکسائیڈنٹ اور جراثیم کش مرکبات موجود ہوتے ہیں، جبکہ مینتھول بھی متاثرہ حصے کو سن کردیتا ہے۔

لونگ

لوگ کو دانتوں کی تکلیف میں کمی لانے کے لیے عام استعمال کیا جاتا ہے اور یہ واقعی اس حوالے سے مؤثر ہے۔

اس عام چیز کے صحت کیلئے فوائد دنگ کر دیں گے

ادرک سے آپ مختلف امراض سے خود کو بچا سکتے ہیں اور یہ سستی چیز علاج کے ہزاروں روپے کی بچت کر سکتی ہے۔

اس میں موجود Eugenol نامی مرکب متاثرہ حصے کو سن کردیتا ہے۔

اس مقصد کے لیے لونگ کو پیس کر پانی میں ملا کر پیسٹ بنائیں اور اس پیسٹ کو متاثرہ دانت پر لگائیں۔

اسی طرح ایک لونگ کو نرمی سے چبا کر متاثرہ دانت کے قریب رکھ لینے سے بھی دانت کی تکلیف میں کمی آسکتی ہے۔

یہ طریقہ کار بھی بچوں کے لیے موزوں نہیں کیونکہ ہوسکتا ہے کہ وہ لونگ کو نگل لیں۔

کیا اکثر پیر سوج جاتے ہیں؟ تو اس کی وجوہات جانیں

اس کا سامنا بار بار ہو یا اس تکلیف میں کمی نہ آئے تو پھر ہوسکتا ہے کہ پیروں کی یہ سوجن دیگر امراض کی جانب سے اشارہ کر رہی ہو۔

لہسن

لہسن کا استعمال تو ہر گھر میں ہوتا ہے اور کچھ افراد اسے دانتوں کی تکلیف میں کمی لانے کے لیے بھی کرتے ہیں۔

اس مقصد کے لیے لہسن کے ایک ٹکڑے کو چبا کر متاثرہ دانت کے قریب چھوڑ دیں، جس سے درد میں کمی آسکتی ہے۔

چونکہ لہسن کا ذائقہ کچھ افراد کو پسند نہیں ہوتا تو یہ طریقہ کار ہر فرد کے لیے موزوں نہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔