کینسر سے بچنے کا مزیدار اور آسان طریقہ

آنتوں کے کینسر سے بچنا چاہتے ہیں؟ تو سبز پتوں والی سبزیاں جیسے پالک یا ساگ زیادہ کھانے سے ایسا ممکن ہو سکتا ہے۔

یہ بات برطانیہ میں ہونے والی ایک طبی تحقیق میں سامنے آئی۔

امپرئیل کالج لندن کے اسکول آف پبلک ہیلتھ کی تحقیق میں بتایا گیا کہ وٹامن بی 9 یا فولیٹ سے بھرپور غذا کا استعمال آنتوں کے کینسر کا خطرہ کم کرتا ہے۔

یہ وٹامن سبز پتوں والی سبزیوں جیسے پالک، ساگ یا بروکولی میں بہت زیادہ مقدار میں ہوتا ہے۔

عمر بڑھنے کے ساتھ دماغ کو جوان رکھنا چاہتے ہیں؟ تو یہ غذا بہترین ثابت ہوسکتی ہے

Mediterranean ڈائٹ کے استعمال سے دماغی تنزلی کے امراض جیسے الزائمر سے بچنے میں مدد مل سکتی ہے۔

اس تحقیق میں 70 ہزار سے زائد افراد کے ڈیٹا کی جانچ پڑتال کی گئی تھی۔

نتائج سے معلوم ہوا کہ فولیٹ کے زیادہ استعمال کرنے والے افراد میں آنتوں کے کینسر کی متعدد اقسام کا خطرہ کم ہوتا ہے۔

تحقیق میں بتایا گیا کہ اس وٹامن کے زیادہ استعمال سے آنتوں کے کینسر سے متاثر ہونے کا خطرہ 7 فیصد تک کم ہو جاتا ہے۔

محققین کے مطابق نتائج سے اس خیال کو تقویت ملتی ہے کہ فولیٹ آنتوں کے کینسر سے تحفظ فراہم کرنے کے لیے مؤثر ثابت ہوتا ہے اور غذا کے ذریعے اس کا حصول بہت آسان ہے۔

ذیابیطس جیسے مرض کو خود دور رکھنا چاہتے ہیں؟ تو یہ آسان عادت آج ہی اپنالیں

چہل قدمی خاص طور پر تیز رفتاری سے چلنے کی عادت ذیابیطس ٹائپ 2 سے بچانے میں مددگار ثابت ہوتی ہے۔

انہوں نے مزید کہا کہ وٹامن بی 9 کے فوائد اس تحقیق میں ثابت ہوئے ہیں اور یہ بھی دریافت ہوا کہ فولیٹ کس حد تک کینسر کے خطرے پر اثر انداز ہوتا ہے۔

خیال رہے کہ آنتوں کے کینسر کی متعدد اقسام ہیں اور مجموعی طور پر یہ دنیا بھر میں اس مرض کی تیسری سب سے عام قسم ہے، صرف برطانیہ میں ہی ہر سال 45 ہزار افراد میں اس کی تشخیص ہوتی ہے۔

سبز پتوں والی سبزیوں سے ہٹ کر فولیٹ کا حصول دالوں، بیجوں، مالٹوں اور چنوں سے بھی ممکن ہے۔

کینسر کی 12 اقسام سے تحفظ فراہم کرنے والی آسان عادات

کینسر کو دنیا میں اموات کی وجہ بننے والا دوسرا بڑا مرض خیال کیا جاتا ہے۔

فولیٹ اور فولک ایسڈ خون کے سرخ خلیات بنانے میں بھی مدد فراہم کرنے والے اجزا ہیں۔

ماہرین کے مطابق تحقیق میں فولیٹ سے کینسر سے ملنے والے تحفظ پر روشنی ڈالی گئی ہے جس سے عندیہ ملتا ہے کہ اس وٹامن سے بھرپور غذاؤں کا استعمال ضروری ہے۔

اس تحقیق کے نتائج امریکن جرنل آف کلینیکل نیوٹریشن میں شائع ہوئے۔