کیا آپ کے ہاتھ پیر ہمیشہ ٹھنڈے رہتے ہیں؟ تو اس کی وجہ جان لیں

ویسے تو موسم سرد ہونے کے ساتھ ہاتھ پیر ٹھنڈے رہنا غیر معمولی بات نہیں، مگر کیا ہر وقت اس کا تجربہ ہوتا ہے؟

اگر ہاں تو آپ تنہا نہیں۔

ویسے تو اکثر یہ فکرمندی کی بات نہیں ہوتی مگر ہر وقت ہاتھوں اور پیروں کی انگلیاں ٹھنڈی رہنا کسی طبی مسئلے کا اشارہ بھی ہو سکتا ہے۔

اس کے ساتھ ساتھ دیگر علامات جیسے انگلیوں کی رنگت یا ساخت تبدیل ہو جائے تو یہ کسی بڑے طبی مسئلے کی علامت ہو سکتی ہے۔

تناؤ جیسے عام مسئلے سے بچنا بہت آسان

بہت زیادہ تناؤ شخصیت پر جسمانی اور ذہنی اعتبار سے منفی اثرات مرتب کرسکتا ہے بلکہ مختلف امراض کا شکار بھی کرسکتا ہے۔

ماہرین کے مطابق ہمارے ہاتھ اور پیر دل سے کافی دور ہیں اور ان کی شریانیں بھی کافی چھوٹی ہوتی ہیں، جس کے باعث ان تک خون کا بہاؤ کم ہوتا ہے، جس کے باعث انگلیوں کا ٹھنڈا ہونا غیر معمولی نہیں ہوتا۔

مگر کئی بار مختلف امراض کے باعث ہاتھ پیر ٹھنڈے رہتے ہیں، جن کی تفصیلات درج ذیل ہیں۔

خون کی کمی

خون کی کمی کے مسئلے کا سامنا اکثر جسم میں آئرن کی مقدار گھٹ جانے کے باعث ہوتا ہے۔

کیا کشمش کو پانی میں بھگو کر کھانا صحت کے لیے مفید ہوتا ہے؟

کشمش کو غذائی اجزا اور کیلوریز سے بھرپور میوہ خیال کیا جاتا ہے۔

آئرن کی کمی سے خون کے سرخ خلیات کے افعال متاثر ہوتے ہیں اور جسم کے مختلف حصوں کو آکسیجن کی فراہمی متاثر ہوتی ہے۔

یہی وجہ ہے کہ خون کی کمی کے شکار افراد کے ہاتھ پیر ہر وقت ٹھنڈے رہتے ہیں۔

شریانوں کے امراض

شریانوں کے متعدد امراض ہوتے ہیں، مگر ان سب سے شریانیں سکڑ جاتی ہیں، جس کے باعث ہاتھوں اور پیروں کو خون کا بہاؤ گھٹ جاتا ہے۔

مسلز کی تکلیف سے بچانے کیلئے مفید غذائیں

زیادہ جسمانی سرگرمیاں یا ورزش اور پانی کی کمی مسلز کے اکڑنے کا باعث بننے والی وجوہات ہیں۔

ذیابیطس

ذیابیطس کے باعث خون کا بہاؤ متاثر ہوتا ہے جس سے ہاتھ اور پیر ٹھنڈے ہو جاتے ہیں۔

ذیابیطس سے امراض قلب کا خطرہ بھی بڑھتا ہے جس سے شریانیں سکڑ جاتی ہیں۔

اس کے ساتھ ساتھ بلڈ شوگر کی سطح بڑھنے سے ہاتھوں اور پیروں میں سوئیاں چبھنے کا احساس بھی ہوتا ہے جس سے بھی ہاتھوں اور پیروں کی حرارت متاثر ہوتی ہے۔

بالوں میں خشکی سے پریشان رہتے ہیں؟ تو اسے دور کرنے کیلئے بہترین ٹوٹکے جانیں

اس مسئلے کے حل کے لیے شیمپو کا استعمال عام ہوتا ہے مگر گھر میں موجود چند عام چیزوں سے بھی اسے کنٹرول کیا جاسکتا ہے۔

تھائی رائیڈ امراض

تھائی رائیڈ امراض کی ایک علامت ہر وقت ہاتھوں اور پیروں کا ٹھنڈے رہنا ہوتا ہے۔

وٹامن بی 12 کی کمی

وٹامن بی 12 کی کمی سے اعصابی مسائل کا خطرہ بڑھتا ہے جس کے باعث ہاتھ پیر ٹھنڈے رہنے کا تجربہ ہوتا ہے۔

اگر آپ کے ہاتھ پیر ہر وقت ٹھنڈے رہتے ہیں تو یہ وٹامن بی 12 کی کمی کے ساتھ ساتھ کسی اور بیماری کا نتیجہ بھی ہو سکتا ہے، تو ان حالات میں ڈاکٹر سے رجوع کرنا چاہیے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔