Election 2024 Election 2024

پاکستان
Time 06 دسمبر ، 2023

سول جج کی اہلیہ کے تشدد کا شکار بچی رضوانہ کو آج اسپتال سے ڈسچارج کیا جائے گا

رضوانہ اب مکمل طور پر صحتیاب ہیں،5 ماہ مسلسل علاج سے اب وہ بہتر ہوچکی ہیں، اپنے قدموں پر چلتی ہے، ان کی مسکراہٹ بھی لوٹ آئی ہے: ڈاکٹر فرید ظفر— فوٹو: اسکرین گریب
رضوانہ اب مکمل طور پر صحتیاب ہیں،5 ماہ مسلسل علاج سے اب وہ بہتر ہوچکی ہیں، اپنے قدموں پر چلتی ہے، ان کی مسکراہٹ بھی لوٹ آئی ہے: ڈاکٹر فرید ظفر— فوٹو: اسکرین گریب

اسلام آباد میں سول جج کی اہلیہ کے تشدد کا شکار کمسن گھریلو ملازمہ رضوانہ  5 ماہ زیرعلاج رہنے کے بعد مکمل صحتیابی پرآج اسپتال سے ڈسچارج ہو جائیں گی۔

جیو سے گفتگو کرتے ہوئے امیرالدین میڈیکل کالج کے پرنسپل ڈاکٹر فرید ظفر نے بتایا کہ رضوانہ 5 ماہ زیر علاج رہیں، اب وہ مکمل طور پر صحتیاب ہوچکی ہیں، رضوانہ کو سر، چہرے اور کمر پر زخموں کے ساتھ جنرل اسپتال لایا گیا تھا۔

انہوں نے کہا کہ 5 ماہ مسلسل زیر علاج رہنے کے بعد اب وہ بہتر ہوچکی ہیں، اپنے قدموں پر چلتی ہے اور ان کی مسکراہٹ بھی لوٹ آئی ہے۔

چائلڈ پروٹیکشن بیورو کی چیئرپرسن سارہ احمد نے جیو نیوز کو بتایا کہ رضوانہ ڈسچارج ہوکر اپنے گھر سرگودھا نہیں جائیں گی بلکہ انہیں اسپتال سے چائلڈ پروٹیکیشن بیورو  منتقل کیا جائے گا۔

ان کا کہنا تھا کہ عدالت نے انہیں چائلڈ پروٹیکشن بیورو کے سپرد کیا ہے، رضوانہ کو تعلیم، خوراک اور دیگر سہولیات چائلڈ پروٹیکشن بیورو مہیا کرے گا۔

مزید خبریں :