30 دسمبر ، 2023 
ہماری پارٹی کسانوں کیلئے جامع منصوبہ اور منشور لےکر آرہی ہے: ہمایوں اختر خان
30 دسمبر ، 2023
فیصل آباد: استحکام پاکستان پارٹی کے رہنما ہمایوں اختر خان کا کہنا ہےکہ ہماری پارٹی کسانوں کے لیے جامع منصوبہ بندی اور منشور لےکر آرہی ہے، الیکشن جیت کر تمام محرومیوں کا ازالہ کریں گے۔
رہنما استحکام پاکستان پارٹی ہمایوں اختر خان کی جانب سےاین اے97 کنجوانی ضلع فیصل آباد میں ورکرزکنونشن منعقدکیا گیا، جس میں کارکنوں اور معززین علاقہ کی بڑی تعداد نے شرکت کی۔
ہمایوں اختر خان کا کہنا تھا کہ ان شاءاللہ الیکشن جیت کر حلقے کی تمام محرومیوں کا ازالہ کریں گے، 35 سال سے سیاست کر رہا ہوں ،کئی بار اسمبلی کاحصہ رہا ہوں، ہم کسانوں کے لیے جامع منصوبہ بندی اور منشور لےکے آرہے ہیں۔
ان کا کہنا تھا کہ ہم نےکسانوں، نوجوانوں، خواتین اور ہر طبقےکے لیے منصوبہ بندی کی ہے، الیکشن جیت کر تمام مسائل کا حل نکالیں گے۔
