فیس بک کا نیا فیچر لنک ہسٹری کیسے کام کرتا ہے؟

04 جنوری ، 2024

میٹا نے اس فیچر کا اعلان کیا / اسکرین شاٹ

میٹا نے لنک ہسٹری نامی نیا فیچر متعارف کرایا ہے۔

یہ فیچر فیس بک اور انسٹا گرام کی موبائل ایپس میں متعارف کرایا گیا ہے۔

کمپنی کے مطابق اس فیچر سے صارفین ایسے ویب لنکس آسانی سے تلاش کر سکیں گے جن پر وہ پہلے وزٹ کر چکے ہیں۔

میٹا نے بتایا کہ جب آپ لنک ہسٹری کو ان ایبل کرتے ہیں تو فیس بک اور انسٹا گرام ایپس میں ہر وہ لنک محفوظ ہو جاتا ہے جس پر آپ نے کلک کیا ہوتا ہے۔

یہ بھی پڑھیں

اس طرح آپ ان لنکس کو آسانی سے تلاش کر سکتے ہیں جن پر ماضی میں وزٹ کیا ہوتا ہے۔

میٹا کا کہنا تھا کہ اس طرح صارفین کے لیے مخصوص لنکس کو تلاش کرنا آسان ہو جائے گا۔

کمپنی کی جانب سے اس نئے فیچر کو بائی ڈیفالٹ ان ایبل کیا گیا ہے۔

کمپنی نے یہ واضح نہیں کیا کہ اس کی جانب سے صارف کے براؤزنگ کی ترجیحات کا ڈیٹا اکٹھا کرنے سے کیا مدد ملے گی۔

مگر میٹا کی جانب سے صارفین کے ڈیٹا کو اکٹھا کرنے کی تاریخ کو دیکھتے ہوئے یہ کہنا غلط نہیں کہ اس نئے فیچر سے کمپنی کو مزید ڈیٹا اکٹھا کرنے کا موقع مل جائے گا۔

متعدد میڈیا رپورٹس کے مطابق میٹا کی جانب سے ان تمام لنکس کو ٹریک کیا جاتا ہے جن پر آپ کلک کرتے ہیں۔

میٹا کی ایپس جیسے فیس بک میں جب آپ لنک پر کلک کرتے ہیں تو فون کے ڈیفالٹ براؤزر کی بجائے کمپنی کا اپنا براؤزر اوپن ہوتا ہے۔

کمپنی کے مطابق جب آپ لنک ہسٹری کی اجازت دیں گے تو ہم ان تفصیلات کو اشتہارات کو بہتر بنانے کے لیے استعمال کر سکتے ہیں۔

اگر آپ لنک ہسٹری کو ڈس ایبل کرنا چاہتے ہیں تو فیس بک یا انسٹا گرام اوپن کریں۔

وہاں سیٹنگز میں جاکر Allow Link History کو تلاش کرکے ٹرن آف کر دیں۔