ورزش کرنے کا ایک اور بہترین فائدہ سامنے آگیا

ورزش کرنے سے جسمانی صحت کو بہت زیادہ فائدہ ہوتا ہے۔

مگر ورزش کرنے کی عادت دماغی صحت کے لیے بھی بہت زیادہ فائدہ مند ہوتی ہے۔

یہ بات امریکا میں ہونے والی ایک طبی تحقیق میں سامنے آئی۔

واشنگٹن یونیورسٹی کی تحقیق میں بتایا گیا کہ جسمانی طور پر متحرک رہنے سے دماغ کے ان حصوں کا حجم بڑھ جاتا ہے جو یادداشت اور سیکھنے کے عمل سے جڑے ہوتے ہیں۔

موجودہ عہد کے افراد کی وہ عام عادت جو موٹاپے اور ذیابیطس کا شکار بنا دیتی ہے

رات گئے کھانے کی عادت جسمانی وزن میں اضافے اور ذیابیطس کا باعث بنتی ہے۔

درحقیقت اس کے لیے زیادہ سخت ورزش کرنے کی بھی ضرورت نہیں بلکہ ہلکی پھلکی جسمانی سرگرمیوں سے بھی یہ فائدہ ہوتا ہے۔

اس تحقیق کے لیے 10 ہزار سے زائد افراد کے ایم آر آئی اسکینز کرائے گئے تھے۔

ان اسکینز میں دریافت ہوا جو افراد کسی قسم کی جسمانی سرگرمی جیسے چہل قدمی، جاگنگ یا دیگر کے عادی تھے، ان کے دماغ کے مخصوص حصوں کا حجم زیادہ بڑا تھا۔

تحقیق کے مطابق ورزش کرنے سے یادداشت، فیصلہ سازی اور سیکھنے کے عمل سے جڑے دماغی حصوں کا حجم بڑھ جاتا ہے۔

روزانہ گھر سے باہر چند منٹ کی چہل قدمی کے 7 حیران کن فوائد

گھر سے باہر بہت کم وقت گزارنے سے بھی جسم اور ذہن دونوں پر حیرت انگیز اثرات مرتب ہوتے ہیں۔

محققین نے بتایا کہ معتدل جسمانی سرگرمیاں جیسے روزانہ 4 ہزار سے کم قدم چلنے سے بھی دماغی صحت پر مثبت اثرات مرتب ہوتے ہیں۔

اگرچہ دماغی حجم کو افعال میں بہتری سے منسلک نہیں کیا جاتا مگر اس سے دماغی اہلیت میں مثبت تبدیلیوں کا عندیہ ملتا ہے۔

تحقیق میں یہ نہیں بتایا گیا کہ جسمانی سرگرمیوں سے مخصوص دماغی حصوں کو فائدہ کیوں ہوتا ہے۔

مگر ماہرین کے خیال میں ورزش کرنے کی عادت سے اعصابی افعال بہتر ہوتے ہیں کیونکہ جسمانی سرگرمیوں سے جسم میں خون کا بہاؤ بہتر ہوتا ہے اور ان پروٹینز کی سطح میں اضافہ ہوتا ہے جو نیورونز کو صحت مند رکھتے ہیں۔

درمیانی عمر میں نیند کی کمی سے ہونے والے ایک اور بڑے نقصان کا انکشاف

درمیانی عمر میں نیند کی کمی بڑھاپے میں دماغی تنزلی بشمول یادداشت اور سوچنے کے مسائل کا باعث بنتی ہے۔

ماضی میں تحقیقی رپورٹس میں جسمانی سرگرمیوں اور ڈیمینشیا کے خطرے میں کمی کے درمیان تعلق دریافت کیا گیا تھا۔

اس نئی تحقیق میں شامل ماہرین کا کہنا تھا کہ اگر آپ روزانہ 10 ہزار قدم چل نہیں سکتے، تو بھی ہلکی پھلکی ورزش سے جسم اور دماغ کو فائدہ ہو سکتا ہے۔

انہوں نے مزید کہا کہ تحقیق کے نتائج ماضی کی تحقیقی رپورٹس سے مطابقت رکھتے ہیں اور یہ ثابت ہوا ہے کہ جسمانی سرگرمیاں دماغ کے لیے بہترین ہوتی ہیں۔

بڑھاپے کی روک تھام کے لیے سائنسدانوں کی اہم پیشرفت

موجودہ عہد میں ہونے والی طبی پیشرفت کے باعث سائنسدان بتدریج اس اسرار کو حل کرنے میں پیشرفت کر رہے ہیں۔

ان کا کہنا تھا کہ ورزش سے نہ صرف دماغی تنزلی کا خطرہ کم ہوتا ہے بلکہ اس سے دماغی حجم بھی مستحکم رہتا ہے جو ہماری صحت کے لیے بہت اہم ہوتا ہے۔

اس تحقیق کے نتائج جرنل آف الزائمر ڈیزیز میں شائع ہوئے۔