موجودہ عہد کے افراد کی وہ عام عادت جو موٹاپے اور ذیابیطس کا شکار بنا دیتی ہے

موٹاپا اور ذیابیطس کسی وبا کی طرح پھیلنے والے طبی مسائل ہیں اور اس کی ایک بڑی وجہ موجودہ عہد کے لوگوں میں پائی جانے والی ایک عام عادت ہے۔

یہ دعویٰ امریکا میں ہونے والی ایک طبی تحقیق میں سامنے آیا۔

نارتھ ویسٹرن یونیورسٹی کی تحقیق میں بتایا گیا کہ رات گئے کھانے کی عادت جسمانی وزن میں اضافے اور ذیابیطس کا باعث بنتی ہے۔

اس تحقیق میں پہلی بار ثابت کیا گیا کہ جسمانی توانائی کے اخراج میں مددگار مالیکیولر میکنزم کا تعلق جسمانی گھڑی سے ہوتا ہے۔

درمیانی عمر میں نیند کی کمی سے ہونے والے ایک اور بڑے نقصان کا انکشاف

درمیانی عمر میں نیند کی کمی بڑھاپے میں دماغی تنزلی بشمول یادداشت اور سوچنے کے مسائل کا باعث بنتی ہے۔

اس تحقیق میں چوہوں کے 2 گروپس پر تجربات کیے گئے، ایک گروپ کو زیادہ چربی والی غذا کا استعمال دن جبکہ دوسرے کو رات کے وقت کرایا گیا۔

یہ دونوں گروپس ایسے چوہوں کے تھے جو جسمانی طور پر رات کے وقت زیادہ متحرک ہوتے ہیں یا آسان الفاظ میں شب بیدار جانور تھے۔

ایک ہفتے کے اندر ان چوہوں کے جسمانی وزن میں اضافے کو دریافت کیا گیا جن کو دن کے وقت کھانا دیا گیا۔

محققین نے دریافت کیا کہ جسمانی طور پر متحرک رہنے کے وقت غذا کا استعمال صحت مند رکھنے میں مدد فراہم کرتا ہے جس کی وجہ مخصوص اوقات میں توانائی کا اخراج ہے۔

کیا جسمانی وزن میں کمی کیلئے ڈائٹنگ سے فائدہ ہوتا ہے؟

جسمانی وزن میں کمی کے لیے اکثر افراد ڈائٹنگ کرتے ہیں۔

انہوں نے بتایا کہ ان اوقات میں جسم ایسے خلیات خارج کرتا ہے جو جسمانی وزن میں اضافے کی روک تھام کرکے صحت کو بہتر بناتے ہیں۔

تحقیق کے مطابق کھانے کے وقت، نیند اور موٹاپے کے درمیان تعلق موجود ہے اور رات گئے کھانے سے جسمانی گھڑی کے افعال متاثر ہوتے ہیں جس سے چربی سے منسلک خلیات میں منفی تبدیلیاں آتی ہیں۔

اس تحقیق کے نتائج جرنل سائنس میں شائع ہوئے۔

ذیابیطس سے تحفظ کیساتھ ہڈیوں، جوڑوں اور دل کو صحت مند بنانے کیلئے بہترین غذا

بحیرہ روم کے خطے کے رہائشیوں کی غذا کو 2024 کے لیے بہترین صحت بخش غذا قرار دیا گیا ہے۔

اس سے قبل اکتوبر 2022 میں امریکا کے Brigham اینڈ ویمنز ہاسپٹل کی تحقیق میں دریافت کیا گیا کہ رات گئے کھانا کھانے کی عادت موٹاپے کا خطرہ بڑھاتی ہے۔

درحقیقت اس عادت کے نتیجے میں جسم کی وزن میں کمی لانے کی صلاحیت پر بھی منفی اثرات مرتب ہوتے ہیں۔

اس تحقیق میں موٹاپے کے شکار 16 افراد کو شامل کیا گیا تھا اور ہر ایک کے لیے کھانے کے اوقات طے کیے گئے اور ایک ہی قسم کا کھانا کھانے کا کہا گیا۔

ان افراد میں کھانے کے اوقات کے جسم پر مرتب اثرات کا جائزہ بھی لیا گیا اور دیکھا گیا کہ جسم کس طرح چربی کا ذخیرہ کرتا ہے۔

بڑھاپے کی روک تھام کے لیے سائنسدانوں کی اہم پیشرفت

موجودہ عہد میں ہونے والی طبی پیشرفت کے باعث سائنسدان بتدریج اس اسرار کو حل کرنے میں پیشرفت کر رہے ہیں۔

نتائج سے معلوم ہوا کہ تاخیر سے کھانے کی عادت سے بھوک اور کھانے کی خواہش میں کردار ادا کرنے والے ہارمونز پر منفی اثرات مرتب ہوتے ہیں اور لوگوں میں زیادہ کھانے کی خواہش پیدا ہوتی ہے۔

تحقیق میں معلوم ہوا کہ تاخیر سے کھانا کھانے والے افراد کا جسم کیلوریز کو سست روی سے جلاتا ہے اور جسم میں چربی زیادہ جمع ہونے لگتی ہے۔

یعنی اگر وہ کم کھانا بھی کھائیں تو بھی چربی بڑھنے سے موٹاپا طاری ہوجاتا ہے۔