15 جنوری ، 2024 
پی سی بی کا ٹی 10 میچزکا منصوبہ، لیگز کیلئےکرکٹرز کے این او سی روک دیے
15 جنوری ، 2024
لاہور: پاکستان کرکٹ بورڈ (پی سی بی) کی جانب سے ٹی 10 میچز کرانےکا منصوبہ ہے جس کے باعث لیگز کے لیے قومی کرکٹرز کو این او سی نہیں دیے جارہے۔
ذرائع کے مطابق پی سی بی ٹی 10 میچز کے لیے تمام قومی کرکٹرز کی دستیابی کا خواہش مند ہے۔
پی سی بی کی جانب سے 24 جنوری سے 28 جنوری کے درمیان ٹی 10 میچز کرانےکی منصوبہ بندی ہے۔
ذرائع کے مطابق پی سی بی ہر صورت میں ٹی 10 میچز کے انعقاد کا خواہش مند ہے، حکومت کی جانب سے ٹی10 لیگ کی اجازت نہ ملنے پر نمائشی میچز کی منصوبہ بندی کی جارہی ہے، ٹی 10 لیگ کے لیے پی سی بی نے مڈل سیکس کے ساتھ بھی معاملات طےکرلیے ہیں۔
ذرائع کا کہنا ہےکہ ٹی 10 میچز کے لیے کھلاڑیوں کو این او سی نہیں دیے جا رہے ہیں اور معاہدوں اور لیگز کے لیے منتخب ہونےکے باوجود این او سی نہ ملنے سے کھلاڑی پریشان ہیں، لیگز انہی دنوں میں ہیں جب پی سی بی ٹی 10 میچز کرانے جا رہا ہے،کھلاڑیوں کے دبئی لیگ اور بی پی ایل کے معاہدے ہیں۔
پی سی بی کی ٹی 10 میچز کے لیے تمام کھلاڑیوں کی دستیابی کی خواہش پوری کرنے کے لیے محمد حفیظ کوشاں ہیں۔
مزید خبریں :
پی ایس ایل 10: پشاور زلمی نے لاہور قلندرز کو7 وکٹ سے ہرادیا
24 اپریل ، 2025
سابق آسٹریلوی کرکٹر اور کمنٹیٹر انتقال کر گئے
24 اپریل ، 2025
