16 جنوری ، 2024 
پاکستان
ٹرانس پشاور نے سیاسی جماعتوں کو اشتہارات چلانے کے لیے متعلقہ ایڈور ٹائزنگ ایجنسی سے رابطہ کرنے کی ہدایات جاری کردیں—فوٹو: جیو نیوز
پشاور: بی آر ٹی انفرا اسٹرکچرپر مفت تشہیر کرنیوالی سیاسی جماعتوں کیخلاف کارروائی کا فیصلہ
16 جنوری ، 2024
پشاور میں بی آر ٹی انفرا اسٹرکچرپر مفت تشہیرکرنے والی سیاسی جماعتوں کے خلاف ٹرانس پشاور نے کارروائی کا فیصلہ کرلیا۔
ٹرانس پشاور نے سیاسی جماعتوں کو اشتہارات چلانے کے لیے متعلقہ ایڈور ٹائزنگ ایجنسی سے رابطہ کرنے کی ہدایات جاری کردیں۔
ٹرانس پشاور کے مطابق سیاسی جماعتوں کی جانب سے اشتہارات چسپاں کیے جارہے ہیں، بی آرٹی کی دیواروں، فلائی اوور اورپلرزپربغیراجازت اشتہارات چسپاں کرنا منع ہے ۔
ٹرانس پشاور کے مطابق تشہیر کرنے والے افراد کے خلاف سخت قانونی کارروائی عمل میں لائی جائے گی۔
