26 جنوری ، 2024 
عمران خان کیخلاف بات کرنے پر پی ٹی آئی امیدوار اور امام مسجد میں تلخ کلامی، ویڈیو وائرل
26 جنوری ، 2024
پشاور کی مسجد میں نماز جمعہ کے دوران امام مسجد اورپی ٹی آئی کے حمایت یافتہ امیدوار اقبال آفریدی کے درمیان تلخ کلامی کی ویڈیو وائرل ہوگئی۔
ویڈیو میں حیات آباد میں امام مسجد اورپی ٹی آئی رہنما اقبال آفریدی کے درمیان تلخ کلامی دیکھی جاسکتی ہے۔بانی چیئرمین پی ٹی آئی کے خلاف بات کرنے پر اقبال آفریدی سیخ پا ہوگئے۔
وائرل ویڈیو میں رہنما پی ٹی آئی نے امام مسجد کو بانی چیرمین پی ٹی آئی کے خلاف بات کرنے سے روک دیا۔
اقبال آفریدی نے امام مسجد سے سوال کیا کہ آپ مسجد میں دین کی بات کریں ، سیاست کی بات کیوں کی۔ جس پر امام مسجد نے جواب دیا کہ میں نے حق کی بات کی ہے۔
تاہم امام مسجد کو منافق کہنے پرنمازیوں نے اقبال آفریدی کو مسجد سے باہرنکال دیا۔
واضح رہے کہ اقبال آفریدی حلقہ این اے 27 ضلعی خیبر سے پی ٹی آئی کے نامزد امیدوار بھی ہیں۔
پولیس کے مطابق نمازیوں کی مداخلت پرتنازعہ ختم کردیا گیا۔
