06 فروری ، 2024 
یوٹیوب میں ایک دلچسپ فیچر کا اضافہ
06 فروری ، 2024
یوٹیوب میں ایک نئے دلچسپ فیچر کی آزمائش کی جا رہی ہے جو آپ کی ویڈیو فیڈ کو مخصوص رنگوں سے بھر دے گی۔
آر جی بی (RGB ) نامی فیڈ میں مخصوص رنگوں پر مبنی ویڈیوز نظر آئیں گی۔
9 ٹو 5 گوگل کی رپورٹ کے مطابق یوٹیوب کی جانب سے ریڈ، گرین اور بلیوم تھیمز کی آزمائش محدود صارفین میں کی جا رہی ہے۔
اس فیچر کے تحت ان رنگوں کے مختلف شیڈز (shades) ویڈیو فیڈ میں دیکھنے کے لیے دستیاب ہوں گے۔
جب کوئی صارف ریڈ، گرین یا بلیو میں سے کسی رنگ کا انتخاب کرے گا تو اس کے یوٹیوب ہوم پیج پر اس مخصوص رنگ کی ویڈیوز نمایاں ہوں گی۔
رپورٹ کے مطابق جن افراد کو یہ فیچر دستیاب ہے، ان کے سامنے یوٹیوب کی جانب سے ایک پوپ اپ میسج بھیجا گیا جس پر لکھا تھا Craving something new، جبکہ نیچے تینوں رنگ موجود ہوں گے۔
رپورٹ میں بتایا گیا کہ یہ نیا فیچر ہوم فیڈ کو رنگ کے مطابق ارینج کرے گا اور اس سے لوگ اپنی ترجیحات کے مطابق ویڈیوز کو تلاش کر سکیں گے۔
مگر اس سے ہٹ کر فیچر سے کیا فائدہ ہوگا، فی الحال واضح نہیں کیونکہ کمپنی کی جانب سے اس بارے میں کچھ نہیں بتایا گیا۔
البتہ یہ واضح ہے کہ جب کوئی صارف ریڈ رنگ کا انتخاب کرے گا تو اس سے متعلق ویڈیوز میں نارنجی اور پیلا رنگ بھی نمایاں ہوگا۔
اسی طرح سبز رنگ کے انتخاب پر زردی مائل نیلا رنگ بھی ویڈیوز میں نظر آئے گا جبکہ بلیو رنگ کی ویڈیوز میں ہلکا نیلا اور جامنی رنگ بھی نمایاں ہوگا۔
جیسا اوپر درج کیا جا چکا ہے کہ ابھی اس فیچر کی آزمائش کی جا رہی ہے تو یہ واضح نہیں کہ کب تک تمام صارفین کے لیے اسے متعارف کرایا جا سکتا ہے۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
