28 جنوری ، 2013 
اقتصادی رابطہ کمیٹی کا اجلاس کل ہوگا،وزیر خزانہ حفیظ شیخ صدارت کرینگے
28 جنوری ، 2013
اسلام آباد…اقتصادی رابطہ کمیٹی کا اجلاس کل 29 جنوری کو ہوگا۔ جس میں گیس لوڈ مینجمنٹ کا معاملہ زیر غور آئے گا اور یکم فروری سے نئے گیس لو ڈ مینجمنٹ کے تحت گیس کی تقسیم کے لیے تجاویز پیش کی جائیں گی۔وزیر خزانہ ڈاکٹر عبد الحفیظ شیخ اجلاس کی صدارت کریں گے۔ اجلاس میں گیس لوڈ مینجمنٹ کی سمری زیر غور آئے گی۔ ملک میں گیس کی قلت میں کمی کیلئے مختلف تجاویز زیر غور آئیں گے۔ یکم فروری سے صنعتوں ، کھاد کارخانوں، سی این جی اسٹیشن اور گھریلو صارفین کیلئے نئے گیس لوڈ مینجمنٹ کی سفارشات پیش کی جائیں گے۔ ترقیاتی بجٹ کیلئے 29 بڑے منصوبوں کا معاملہ زیر غور آئے گا۔ اقتصادی رابطہ کمیٹی گندم کی فراہمی اور آٹے کی قیمتوں کا جائزہ لے گی۔ ملک میں چاول، چینی اور یوریا کھاد کی قیمتوں اور اسٹاک کا جائزہ لیا جائے گا۔ اقتصادی رابطہ کمیٹی مائع قدرتی گیس ایل این جی کی درآمد کے لیے بولی کے معاملے پر بھی بات چیت کرسکتی ہے۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
7 گھنٹے پہلے
عید کے تیسرے روز بھی کراچی کا موسم گرم رہنے کا امکان
9 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
10 گھنٹے پہلے
