پشاور: پی ٹی آئی کی ریلی میں شیر افضل مروت کی ایک شخص کو تھپڑ مارنے کی ویڈیو وائرل

پشاور میں پی ٹی آئی کی ریلی کے دوران پارٹی کے سینیئر رہنما شیر افضل مروت کی جانب سے ایک شخص کو تھپڑ مارنے کی ویڈیو وائرل ہوگئی ہے۔

ویڈیو میں شیر افضل مروت کو ایک شخص کو تھپڑ مارتے ہوئے دیکھا جا سکتا ہے۔

شیرافضل مروت کارکنوں کی بھیڑ میں پھنس گئے تھے، جس کے بعد وہ غصے میں آگئے اور ساتھ کھڑے شخص کو تھپڑ مار دیا۔

بعد میں شیر افضل مروت نے کہا کہ ویڈیو میں نظر آنے والا شخص ان کا ذاتی گارڈ ہے۔

شیر افضل مروت کا کہنا تھا کہ دہشتگردی کے پیش نظر میرا گارڈ کہ رہا تھا کہ گاڑی میں بیٹھ جاؤں۔

انہوں نے بتایا کہ گارڈ ورکرز کو میرے پاس آنے پر دھکے دے رہا تھا، گارڈ کو میں نے منع کیا کہ مجھے نہ کھینچے۔