02 اپریل ، 2024 
پنجاب میں جنگلی جانوروں کے تحفظ کیلئے وائلڈ لائف ریسکیو فورس قائم کرنے کا فیصلہ
02 اپریل ، 2024
ملک کی تاریخ میں پہلی بار جنگلی جانوروں کے تحفظ کے لیے وائلڈ لائف ریسکیو فورس قائم کرنے کا فیصلہ کیا گیا ہے۔
پنجاب کی سینیئر وزیر مریم اورنگزیب کی ہدایت پر جنگلی حیات کے تحفظ اور بقا کی مہم جاری ہے۔ ملکی تاریخ میں پہلی دفعہ جنگلی جانوروں کے تحفظ کیلئے وائلڈ لائف ریسکیو فورس قائم کی جائے گی۔
مریم اورنگزیب نے وائلڈ لائف ریسکیو فورس کے قیام کاحکم دیا ہے ۔ پہلے مرحلے میں خانیوال،لاہور اور راولپنڈی میں ریسکیو فورس قائم کی جائے گی جو ویٹرنری ایمبولینسز، ڈاکٹر اور ریسکیو گاڑیوں پر مشتمل ہوگی۔
رپورٹ کے مطابق صوبہ بھر میں سرچ آپریشن کے دوران 11کالے نایاب ریچھ برآمد کیے گئے جبکہ 96 سبز طوطے ، 85 چڑیاں، 6چکور، 35 تیتر اور 25 مور غیرقانونی قبضے سے چھڑائے گئے ۔
