08 اپریل ، 2024 
پاکستان
پولیس نے ایک شخص کو گرفتار کرلیا، گرفتار ملزم نے مغوی شادی شدہ خاتون کو خرید کر زبردستی نکاح پر نکاح کیا تھا— فوٹو:فائل
نوابشاہ سے 10 سال قبل اغوا کی گئی شادی شدہ خاتون بازیاب
08 اپریل ، 2024
نواب شاہ کی تحصیل قاضی احمد سے 10 سال قبل اغوا کی گئی شادی شدہ خاتون کو بازیاب کروالیا گیا۔
پولیس کےمطابق قاضی احمد کےقریب گاؤں شیرعلی کھوسو میں کارروائی کی گئی جہاں سے 10 سال قبل پنجاب سے اغوا کی گئی شادی شدہ خاتون کو بازیاب کیا گیا۔
مغوی خاتون کو پنجاب سے اغوا کرکے لایا گیا تھا جسے قاضی احمد کے رہائشی کریم کھوسو نے اغواکاروں سےخرید کر نکاح پر نکاح کیا تھا، بازیاب خاتون 10 سال میں تین بچوں کی ماں بن چکی ہے۔
متاثرہ خاتون نے اپنے بیان میں پولیس کو بتایا کہ وہ پہلے سے شادی شدہ تھی، اغواکاروں نے انہیں یہاں لا کر فروخت کردیا تھا۔
ملزم نے بھی خاتون کو خریدنے کا اعتراف کرلیا جس کے بعد پولیس نے ملزم کو گرفتار کرلیا۔
