کراچی میں سورج کا پارہ ہائی ہوگیا، آئندہ 3 سے4 روز گرمی کی شدت میں اضافےکی پیشگوئی

کراچی میں آج سورج کا پارہ ہائی ہوگیا جس کے باعث شہر میں درجہ حرارت  39 اعشاریہ 5 ڈگری سینٹی گریڈ تک جاپہنچا۔

شدید گرمی کے باعث اسکول جانے والے بچے اور سخت دھوپ میں کام کرنے والے مزدور بلبلا اٹھے۔

محکمہ موسمیات کے مطابق پیر کو کراچی کا زیادہ سے زیادہ درجہ حرارت 39.5 ڈگری سینٹی گریڈ ریکارڈ کیا گیا جب کہ ہوا میں نمی کا تناسب 14 فیصد رہا۔

محکمہ موسمیات کے مطابق آج کم سے کم درجہ حرارت 25.6 ڈگری سینٹی گریڈ ریکارڈ ہوا۔

محکمہ موسمیات کے مطابق آئندہ تین روز تک شہر کا موسم خشک اور گرم  رہےگا، اس دوران  زیادہ سے زیادہ درجہ حرارت 37 سے 40 ڈگری سینٹی گریڈ تک رہنے کا امکان ہے جب کہ آئندہ دو روز تک ہوا میں نمی کا تناسب 10 سے 30 فیصد تک رہ سکتا ہے۔ دن میں موسم گرم رہنے تاہم شام میں سمندری ہوائیں بحال ہونےکا امکان ہے۔

ماہرین کا مشورہ ہے کہ ش اور جسم میں پانی اور نمکیات کی کمی نہ ہونے دیں۔

ماہرین کا کہنا ہے کہ شہری غیرضروری طور پر گھروں سے نہ نکلیں،گرمی سے بچاؤ کے لیے ہلکے رنگ کےکپڑے پہنیں، ٹھنڈے مشروبات کا استعمال کریں۔

کراچی سمیت سندھ بھر میں آج سے گرمی کی شدت میں اضافے کی پیشگوئی

کراچی سمیت زیریں سندھ میں درجہ حرارت 38 ڈگری سینٹی گریڈ تک پہنچ سکتا ہے

کراچی میں اتوار سے گرمی بڑھنے کی پیشگوئی

سندھ کے بالائی اور وسطی علاقوں میں دن کا درجہ حرارت 38 سے 40 ڈگری سینٹی گریڈ تک پہنچ سکتاہے: محکمہ موسمیات