02 مئی ، 2024 
پاکستان
جنوبی افریقن پاسپورٹس رکھنے والی فیملی سے برآمد سونے میں ریورات اور سکے شامل ہیں: کسٹم ذرائع۔
کراچی سے جنوبی افریقا جانے والی فیملی سے 17 کروڑ روپے مالیت کا سونا برآمد
02 مئی ، 2024
کراچی ائیر پورٹ پر کسٹمز نے کارروائی کرتے ہوئے کروڑوں روپے مالیت کا سونا جنوبی افریقا اسمگل کرنے کی کوشش ناکام بنا دی۔
کسٹم ذرائع کے مطابق کراچی ائیر پورٹ سے جنوبی افریقا جانے والی فیملی سے ساڑھے 9 کلو سونا برآمد ہوا جس کی مالیت 17 کروڑ پاکستانی روپے بنتی ہے، برآمد شدہ سونے میں مختلف زیورات اور سکے شامل ہیں۔
ذرائع کا بتانا ہے کہ جنوبی افریقن پاسپورٹس رکھنے والی فیملی میں 5 خواتین اور ایک مرد شامل ہے۔
کسٹم ذرائع کا کہنا ہے کہ سونا پاکستانی نژاد جنوبی افریقن مسافروں کے سامان کی تلاشی میں ملا، کروڑوں روپے کا سونا لے کر سفر کے حقائق جاننے کیلئے کسٹم حکام نے تمام افراد کو حراست میں لیکر تحقیقات شروع کر دی ہیں۔
