تربوز کے چھلکوں سے صحت کو ہونے والے فائدے جانتے ہیں؟

تربوز ایسا پھل ہے جس میں صحت کے لیے مفید متعدد غذائی اجزا موجود ہوتے ہیں۔

گرم موسم میں تو یہ پھل جادوئی تصور کیا جا سکتا ہے کیونکہ اس کا 92 فیصد حصہ پانی پر مشتمل ہوتا ہے۔

اس کے ساتھ وٹامن اے، وٹامن سی، پوٹاشیم، میگنیشم اور دیگر غذائی اجزا بھی تربوز میں موجود ہوتے ہیں۔

زیادہ تر افراد تربوز کے گلابی حصے کو کھاتے ہیں اور چھلکوں کو کچرے میں پھینک دیتے ہیں۔

تربوز کھانے سے صحت کو ہونے والے فوائد جانتے ہیں؟

اس مزیدار پھل کے وہ فوائد جانیں جن کو جان کر اس کا ذائقہ مزید بہتر محسوس ہونے لگے گا۔

مگر کھیروں کی طرح تربوز کو بھی چھلکوں کے ساتھ کھایا جا سکتا ہے۔

تربوز کے چھلکوں کے چند فوائد درج ذیل ہیں۔

مسلز بہتر ہوتے ہیں

تربوز کے چھلکوں میں citrulline نامی امینو ایسڈ ہوتا ہے جو مسلز کی صحت کو بہتر بناتا ہے۔

اس امینو ایسڈ سے خون کی شریانیں کشادہ ہوتی ہیں اور مسلز تک آکسیجن کی فراہمی بہتر ہوتی ہے جس سے ورزش کے دوران جسمانی کارکردگی بہتر ہوتی ہے۔

میٹھے تربوز کو شناخت کرنے کے آسان طریقے جانیں

آپ محض دیکھ کر میٹھے تربوزکا انتخاب نہیں کر سکتے اور گھر جا کر پھیکے پھل کا ذائقہ بہت تلخ محسوس ہوتا ہے۔

بلڈ پریشر میں کمی

اگر آپ ہائی بلڈ پریشر سے پریشان ہیں تو تربوز کے چھلکوں کو استعمال کر کے دیکھیں۔

تحقیقی رپورٹس میں دریافت کیا گیا کہ تربوز کے گلابی حصے سے بھی بلڈ پریشر کو کنٹرول رکھنے میں مدد ملتی ہے مگر چھلکوں میں موجود citrulline اس حوالے سے زیادہ مؤثر ثابت ہوتا ہے۔

تربوز کے چھلکوں سے خون کی شریانیں بھی کشادہ ہوتی ہیں جس سے بھی بلڈ پریشر کو مستحکم رکھنے میں مدد ملتی ہے۔

صحت مند افراد کے لیے روزانہ کتنے آم کھانا بہتر ہوتا ہے؟

آموں کا ذائقہ ہی بہترین نہیں ہوتا بلکہ یہ پھل صحت کے لیے بھی بہت زیادہ مفید ثابت ہوتا ہے۔

فائبر سے بھرپور

تربوز کے چھلکوں میں فائبر کی مقدار کافی زیادہ ہوتی ہے۔

فائبر وہ غذائی جز ہے جو صحت کے لیے بہت زیادہ مفید ہوتا ہے۔

فائبر سے آپ خود کو قبض جیسے عام مسئلے سے محفوظ رکھ سکتے ہیں۔

کیا ٹھنڈا پانی پینے سے جسم کو نقصان پہنچتا ہے؟

کچھ افراد کا ماننا ہے کہ اس عادت سے طویل المعیاد بنیادوں پر صحت کو نقصان پہنچتا ہے۔

اسی طرح فائبر سے کولیسٹرول اور بلڈ شوگر کی سطح میں کمی آتی ہے جبکہ وزن کو بھی کم کرنے میں مدد ملتی ہے۔

ورم کش

یہ چھلکے ورم کش ہوتے ہیں اور اس سے مختلف اعضا کو ورم سے بچانے میں مدد ملتی ہے۔

ان چھلکوں میں موجود زنک اور میگنیشم جیسے اجزا جسمانی افعال کو درست رکھنے میں مدد فراہم کرتے ہیں۔

سونے کی وہ پوزیشن جس سے چہرے پر جھریاں نمودار ہو جاتی ہیں

نیند کی پوزیشن سے چہرے پر عارضی جھریاں بن جاتی ہیں جو وقت کے ساتھ مستقل ہو جاتی ہیں۔

مدافعتی نظام مضبوط ہوتا ہے

تربوز کے چھلکے متعدد وٹامنز اور اینٹی آکسائیڈنٹس کے حصول کا اچھا ذریعہ ہیں۔

ان اینٹی آکسائیڈنٹس سے مدافعتی نظام مضبوط ہوتا ہے اور ہمارا جسم متعدد امراض سے لڑنے کے قابل ہو جاتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔