وہ عام مسئلہ جس سے جوان افراد میں ہارٹ اٹیک اور فالج کا خطرہ بڑھ جاتا ہے

موجودہ عہد میں دنیا بھر میں موٹاپا ایک وبا کی طرح پھیل رہا ہے اور اس کے نتیجے میں جوان افراد میں ہارٹ اٹیک اور فالج کا خطرہ بہت زیادہ بڑھ گیا ہے۔

یہ انتباہ امریکا میں ہونے والی ایک طبی تحقیق میں سامنے آیا۔

بریگھم اینڈ ویمنز ہاسپٹل اور ہارورڈ میڈیکل اسکول کی تحقیق میں بتایا گیا کہ 65 سال سے کم عمر مردوں اور 50 سال سے کم عمر خواتین میں زیادہ جسمانی وزن یا موٹاپے سے 10 برس کے دوران ہارٹ اٹیک اور فالج کا خطرہ نمایاں حد تک بڑھ جاتا ہے۔

اس تحقیق میں ایک لاکھ 9 ہزار سے زائد خواتین اور 27 ہزار 239 مردوں کے ڈیٹا کی جانچ پڑتال کی گئی جو موٹاپے یا زیادہ جسمانی وزن کے شکار تھے۔

عمر بڑھنے کے ساتھ لوگ سست روی سے کیوں چلنے لگتے ہیں؟

ایک نئی تحقیق میں بتایا گیا ہے کہ عمر میں اضافے کے ساتھ ہماری رفتار سست کیوں ہو جاتی ہے۔

تحقیق کے دوران دیکھا گیا کہ ان افراد میں 2000 سے 2020 کے دوران ہارٹ اٹیک اور فالج کے کتنے کیسز سامنے آئے۔

اس عرصے میں 12 ہزار سے زائد ہارٹ اٹیک یا فالج کے کیسز کو ریکارڈ کیا گیا۔

نتائج سے معلوم ہوا کہ 10 سال یا اس سے زائد عرصے سے موٹاپے کا سامنا کرنے والے جوان مردوں اور خواتین میں ہارٹ اٹیک اور فالج کا خطرہ 25 سے 60 فیصد تک بڑھ جاتا ہے۔

البتہ 50 سال سے زائد عمر کی خواتین اور 65 سال سے زائد عمر کے مردوں میں اس خطرے میں اضافہ دیکھنے میں نہیں آیا۔

عمر بڑھنے کے باوجود بڑھاپے اور امراض قلب سے بچنا چاہتے ہیں؟ تو یہ آسان عادات اپنالیں

طرز زندگی کی صحت مند عادات لمبی زندگی کے حصول میں مددگار ثابت ہوتی ہیں۔

تحقیق کے مطابق جسمانی وزن کو جتنی جلد کنٹرول کرلیا جائے، اتنی جلد ہارٹ اٹیک اور فالج سمیت دیگر جان لیوا امراض قلب کا خطرہ گھٹ جائے گا۔

محققین نے بتایا کہ اضافی جسمانی وزن کے مضر اثرات طویل عرصے تک برقرار رہتے ہیں۔

انہوں نے مزید بتایا کہ جسمانی وزن کو کنٹرول میں رکھ کر ہم جان لیوا طبی پیچیدگیوں سے بچ سکتے ہیں۔

یہ پہلی بار نہیں جب موٹاپے کو جسمانی صحت کے لیے نقصان دہ قرار دیا گیا۔

ہیٹ ویو سے حاملہ خواتین کے ہاں بچوں کی قبل از وقت پیدائش کا خطرہ بڑھتا ہے، تحقیق

ہیٹ ویو سے حاملہ خواتین پر منفی اثرات مرتب ہوتے ہیں اور بچوں کی قبل از وقت پیدائش کا خطرہ بڑھ جاتا ہے۔

اس سے قبل بھی تحقیقی رپورٹس میں دریافت کیا گیا تھا کہ موٹاپے سے ہائی بلڈ پریشر، ذیابیطس ٹائپ 2، کینسر اور دیگر متعدد امراض کا خطرہ بڑھتا ہے۔

اس نئی تحقیق میں مختلف عمروں کے افراد پر موٹاپے سے مرتب ہونے والے اثرات کا جائزہ لیا گیا۔

تحقیق کے مطابق موٹاپے سے درمیانی عمر میں جان لیوا ہارٹ اٹیک یا فالج کا خطرہ بڑھ جاتا ہے جبکہ موٹاپے کے شکار معمر افراد میں یہ خطرہ اتنا زیادہ نہیں ہوتا۔

اس تحقیق کے نتائج Endocrine Society کے سالانہ اجلاس کے دوران پیش کیے گئے۔

کیا آپ رات گئے تک جاگنے کے عادی ہیں؟ تو اس کا ایک نقصان دہ اثر جان لیں

رات گئے تک جاگنے کے عادی افراد میں دماغی صحت کے مسائل سے متاثر ہونے کا خطرہ زیادہ ہوتا ہے۔

خیال رہے کہ دنیا بھر میں سب سے زیادہ اموات امراض قلب کے نتیجے میں ہوتی ہیں۔

دل کی صحت سے جڑے مسائل بشمول ہارٹ اٹیک، دل کی دھڑکن کی رفتار میں بے ترتیبی یا اس عضو کے مختلف حصوں کو پہنچنے والے ہر قسم کے نقصان کے لیے امراض قلب کی اصطلاح استعمال کی جاتی ہے۔

ایسا تصور کیا جاتا ہے کہ امراض قلب کا سامنا بڑھاپے یا کم از کم درمیانی عمر میں ہوتا ہے۔

مگر حالیہ برسوں میں جوان افراد میں دل کے امراض کی شرح میں حیران کن اضافہ ہوا ہے۔