14 جون ، 2024 
جی میل کے لیے نیا اے آئی اسسٹنٹ متعارف
14 جون ، 2024
جی میل دنیا کی مقبول ترین ای میل سروس ہے اور دنیا بھر میں کروڑوں افراد اسے استعمال کرتے ہیں۔
گوگل نے آرٹی فیشل انٹیلی جنس (اے آئی) ٹیکنالوجی پر مبنی ایک ٹول جی میل میں متعارف کرانے کا فیصلہ کیا ہے تاکہ صارفین کے لیے اس سروس کا استعمال زیادہ کارآمد ہوسکے۔
گوگل کے جیمنائی اے آئی اسسٹنٹ 1.5 پرو کے ذریعے ایسا ممکن ہو سکے گا۔
گوگل جیمنائی اے آئی اسسٹنٹ جی میل، ڈاکس، شیٹس اور دیگر میں صارفین کو دستیاب ہے اور اسے ابھی ای میلز تحریر کرنے کے لیے استعمال کیا جاتا ہے۔
اب اسے جیمنائی 1.5 پرو سے اپ ڈیٹ کیا جا رہا ہے جو متعدد کارآمد نئے فیچرز سے لیس ہے۔
اگر آپ کے پاس طویل ای میلز پڑھنے کے لیے وقت نہیں تو اس اے آئی اسسٹنٹ کو ای میلز کی سمری کے لیے استعمال کیا جا سکتا ہے۔
اس کے لیے سمرائز دس ای میل بٹن پر کلک کرنا ہوگا اور آپ کے سامنے ای میل کے نمایاں پوائنٹس آجائیں گے۔
اس سمری کارڈ پر آپ مختلف سوالات بھی پوچھ سکتے ہیں جبکہ جیمنائی سے ای میل مواد کو سرچ بھی کر سکتے ہیں۔
اے آئی اسسٹنٹ کو ای میل ریپلائی کے لیے بھی استعمال کیا جا سکتا ہے۔
جیمنائی کی جانب سے پرانی ای میلز کو مدنظر رکھ کر ریپلائیز کو سجیسٹ کیا جاتا ہے۔
یہ اے آئی اسسٹنٹ فی الحال جیمنائی ایڈوانسڈ سبسکرائبرز کو دستیاب ہے جس کے لیے ماہانہ 20 ڈالرز ادا کرنا پڑتے ہیں۔
گوگل کی جانب سے یہ بھی اعلان کیا گیا ہے کہ جیمنائی فار ورک اسپیس سائیڈ پینل جون میں زیادہ بڑے پیمانے پر متعارف کرایا جائے گا۔
مزید خبریں :
جی میل میں ایک دلچسپ فیچر صارفین کے لیے متعارف
8 گھنٹے پہلے
گوگل کی نئی اے آئی گیم جو شطرنج کھیلنے والوں کو ضرور پسند آئے گی
01 دسمبر ، 2024
اسپوٹیفائی نے کِن صارفین کے موسیقی چلانے پر پابندی لگا دی؟
30 نومبر ، 2024
ایلون مسک کا گیمنگ کی دنیا میں قدم رکھنے کا اعلان
29 نومبر ، 2024
گوگل کا میپس کی لوکیشن ہسٹری کو ڈیلیٹ کرنے کا فیصلہ
28 نومبر ، 2024
