مظفر گڑھ: رکنِ قومی اسمبلی جمشید دستی کیخلاف تھانا سٹی میں دہشتگردی کا مقدمہ درج

مظفر گڑھ میں رکنِ قومی اسمبلی جمشید دستی کے خلاف تھانا سٹی میں دہشت گردی کا مقدمہ درج کرلیا گیا۔

ایلیٹ فورس کے سب انسپکٹر کی مدعیت میں درج مقدمے میں کہا گیا ہے کہ پولیس محرم الحرام کے دوران اسنیپ چیکنگ کے لیے ظفر کالونی گئی تھی۔

مقدمے میں کہا گیا کہ چیکنگ کے دوران جمشید دستی اور ان کے ساتھیوں نے پولیس کو روکا ، اسلحہ چھیننے کی کوشش کی  اور پولیس پارٹی پر فائرنگ کی جس کے بعد جمشید دستی اور ان کےساتھی فرار ہوگئے۔

اس سے پہلے جمشید دستی نے بدھ کو  ایک ویڈیو بیان میں الزام لگایا تھا کہ ان کی گھر پر 25 لوگوں نے حملہ کیا۔

اپیلٹ ٹربیونل نے جمشید دستی کو الیکشن لڑنے کیلئے اہل قرار دے دیا

اپیلٹ ٹربیونل نے پی ٹی آئی رہنما کی دائر 4 اپیلیں منظور کرلیں

کل رات نامعلوم افراد نے گھر میں گھس کر فائرنگ کی، جمشید دستی کا دعویٰ

جمشید دستی کا کہنا تھا کہ ان کا جرم صرف یہی ہے کہ وہ چیئرمین پی ٹی آئی کے ساتھ کھڑے ہیں۔