وہ عام غلطی جس کے باعث چہرے پر قبل از وقت جھریاں ظاہر ہو جاتی ہیں

موجودہ عہد میں اسمارٹ فونز کا استعمال بہت زیادہ عام ہوچکا ہے اور لوگ اپنا زیادہ وقت ان ڈیوائسز پر مختلف ایپس استعمال کرتے ہوئے گزارتے ہیں۔

مگر کیا آپ کو معلوم ہے کہ ان ڈیوائسز سے خارج ہونے والی نیلی روشنی آپ کی جِلد کے لیے تباہ کن ثابت ہوتی ہے؟

جی ہاں واقعی اسمارٹ فونز یا دیگر ایسی ڈیوائسز سے خارج ہونے والی نیلی روشنی سے جِلد کی صحت کو نقصان پہنچتا ہے اور جھریوں سمیت بڑھاپے کی دیگر علامات ابھرنے لگتی ہیں۔

سورج کی روشنی کے مقابلے میں اسمارٹ فون، لیپ ٹاپ، ٹی وی سے خارج ہونے والی روشنی کی سطح 100 سے ایک ہزار گنا کم ہوتی ہے۔

دماغ کو جلد بوڑھا کر دینے والی عام عادات جن کو زیادہ تر افراد بے ضرر سمجھتے ہیں

حیران کن طور پر یہ عادات بہت عام ہیں اور بیشتر افراد انہیں بے ضرر تصور کرتے ہیں۔

یہی وجہ ہے کہ ان ڈیوائسز سے خارج ہونے والی نیلی روشنی نیند اور بینائی کے ساتھ ساتھ جِلد پر بھی منفی اثرات مرتب ہوتے ہیں۔

تو یہ نیلی روشنی جِلد پر کیسے اثر انداز ہوتی ہے، اس بارے شواہد سے جو کچھ معلوم ہوا ہے وہ درج ذیل ہے۔

نیلی روشنی سے جِلد کی رنگت بننے کا عمل تیز ہو جاتا ہے

تحقیقی رپورٹس سے عندیہ ملا ہے کہ اسمارٹ فونز کی نیلی روشنی سے میلانین بننے کا عمل متحرک ہوتا ہے۔

جگر کو نقصان پہنچنے کی 5 عام ترین ابتدائی علامات

دنیا بھر میں جگر کے مختلف امراض بہت عام ہیں جن کا علاج نہ کرایا جائے تو وہ جان لیوا ثابت ہوتے ہیں۔

یہ جِلد کے قدرتی رنگت کو برقرار رکھنے والے مرکبات ہیں مگر جب یہ بہت زیادہ مقدار میں بننے لگتے ہیں تو جِلد پر گہرے رنگے کے دھبے یا ڈارک اسپاٹس بن جاتے ہیں۔

جھریاں بن جاتی ہیں

کچھ تحقیقی رپورٹس میں دریافت کیا گیا کہ ڈیوائسز کی نیلی روشنی سے کولیگن نامی پروٹین کو نقصان پہنچتا ہے۔

یہ پروٹین جِلد کی ساخت کے لیے اہم ترین ہوتا ہے اور اس کی کمی سے جوانی میں ہی چہرے پر جھریاں ظاہر ہو جاتی ہیں۔

امراض سے بچنے کیلئے تکیے کے غلاف کو کتنے دن بعد بدل دینا چاہیے؟

تکیے کا غلاف کسی ٹوائلٹ سے بھی زیادہ گندہ ہوتا ہے۔

ایک تحقیق میں بتایا گیا کہ ڈیوائسز کو روزانہ اپنی جِلد کے قریب محض ایک گھنٹے تک رکھنے سے بھی ایسا ہو سکتا ہے۔

نیند متاثر ہوتی ہے

اگر آنکھوں کے گرد موجود جِلد ڈھلکنے لگی ہے یا سیاہ حلقے نمایاں ہوگئے ہیں تو اس کی وجہ بھی ڈیوائسز سے خارج ہونے والی نیلی روشنی ہوسکتی ہے۔

نیلی روشنی سے نیند متاثر ہوتی ہے جس سے آنکھوں کے گرد حلقے اور دیگر علامات نظر آنے لگتی ہیں۔

آلتی پالتی مار کر بیٹھنے سے جسم پر کیا اثرات مرتب ہوتے ہیں؟

زمین پر ٹانگ کے اوپر ٹانگ کر رکھ کر بیٹھنا یا آلتی پالتی مار کر بیٹھنا صحت کے لیے بہترین تصور کیا جاتا ہے۔

یہ نیلی روشنی اچھی نیند کو یقینی بنانے والے ہارمون میلاٹونین بننے کے عمل کو متاثر کرتی ہے جس کے باعث لوگ بے خوابی کے شکار ہو جاتے ہیں۔

خاص طور پر سونے سے کچھ دیر قبل اسمارٹ فون استعمال کرنے سے سونا مشکل ہوتا ہے جبکہ نیند کا معیار بھی گھٹ جاتا ہے۔

نیند کی کمی سے آنکھوں کے حلقوں کے ساتھ ساتھ دیگر جِلدی امراض جیسے چنبل کا خطرہ بھی بڑھتا ہے۔

نیند کی کمی سے جسم میں ہارمون بڑھانے والے ہارمون کورٹیسول کی سطح بھی بڑھ جاتی ہے جو کولیگن کے افعال متاثر کرتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔